Gerîlayê YJA STAR'î: 21'ê Adare yeno manaya xoverdayîşî û ma na roje bi ruhê xoverdayîşî do pêşwazî bikê. Senî ke DAÎŞ Rojawanê Kurdistanî de bin kewt, AKP-MHP zî vera xoverdayîşê şarê Kurdî de do bin bikewo.
Gerîlayaê YJA STAR'î Şîlan Kobanê û Rosyar Hezexe Newroze pîroz kerde û vat ke îtîfaqê AKP- MHP'yî do vera xoverdayişê Kurdan bin kewewo.
Gerîlaya YJA STAR'î Şîlan Kobanê roja 21'ê Adare ya Rayberê Şarê Kurdî Abdullah Ocalanî, girewteyanê azadan, şarê Kurdî û şaranê xoverdayoxan pîroz kerd. Kobanê vana; “Ma do bi ruhê xoverdayîşê Leyla Guvene û Nasîr Yagizî Newroza 2019'î pêşwazî bikerê. Ma bawer ê ke ma do bi ruhê xoverdayîşê hemrayanê xo yê têkoşeran, Rayberê xo û şarê xo azad bikerê. No xoverdayîşê şarê ma do peynîya AKP û MHP’yî sey DAÎŞ’î bîyaro. Hêzê îşxalkarî nêeşkenê vera xoverdayîşê şaran de ser bikewê. Tim xoverdayîşê şarî ser keweno.”
MA DO SERRA 2019’Î BIKERÊ SERRA AZADÎYA RAYBER APOYÎ
Rosyar Hezexe zî vana; “Ez Newroza 2019'î ya heme xoverdayoxanê azadîye pîroz kena. Ma do Newroze 2019 de bi ruhê xoverdayîşî pêşwazî bikerê û ma bikerê Newrozêka winasîye ke tarîxê merdimîye de nêro vîrrakerdene.” Hezexe wina dewam kerd: “Wexto ke ma vanê Newroze, xoverdayîş yeno vîr ra mi. Ma do bi ruhê xoverdayîşî Newroza emserî pêşwazî bikerê. Seba azadîya Rayberê xo ma sewîyeya têkoşînê xo xurtêr bikerê. Senî ke DAÎŞ Rojawan de bin kewt, AKP û MHP zî do bin bikewo. Emser do biba azadîya Rayber Apoyî û ya şarê Kurdî.”
