Gerîlayanê YJA Starî yê ke ANF reyde qisey kerd serra newîye ya Rayberê Şarê Kurdî Abdullah Ocalanî, yê keyeyanê şehîdan û yê şarê kurdî yê welatperwerî fîraz kerde.

Gerîlaya YJA Starî Rûkene Koçer vat: ''Ma do bi hemleyanê neweyan des pê serra 2020î bikerê. Ma do tedaya dewleta tirke ya vera şarê ma çin bikê û têkoşînê xo rê  dewam bikerê. Ma baş zanenê ke faşîzmê tirkan serra 2020î de zî do biwazo kurdan çin bikero, qirkerişan bikero. Ma do vera hêrişanê qirkeran û çinkerdişan bi hawayêkê xurtî têkoşînê gerîlayan bîyarê ca. Ez venga şarê xo dana ke şerê psîkolojîkî yê dewlete ra bawer nêkero û yewîya xo awan bikero. Ma do Rayberîye û Kurdîstan azad bikê."

Gerîlaya YJA Starî Sorxwîne Baran vat: "Serra 2020î do biba serra azadîya Rayber Apoyî. Çarçewa projeyê newe ra awanbîyayîşî de ma do têgêrayîşê xo seba 2020î amade bikerê. Ma nameyê şerwananê azadîye yê nê şarî ser o eşkenê vajê ke ganî kesêk bi dafikanê şerê taybetî yê dewlete bawer nêkero. Ma tim estbî û ma do estbê. Heta ke Kurdîstan û Rayber Apo azad bibê ma do têkoşînê xo yê birûmetî rê dewam bikerê."

Gerîlaya YJA-Starî Mizgîne Dilbirîn zî vat: "Serra 2019î bi serra xoverdayîşî. Serra 2020î zî do biba a serre ke xoverdayîş do bivurîyo serkewtiş. Do biba a serre ke Rayberê ma do azad bibo. Ma sey gerîlayan xo seba naye amade kenê. Coka ma zî do têkoşînê xo berz bikerê û ser bivisnê. Seba şar û doman ê ke ameyî qetilkerdene têkoşînê ma yê qesasî zî do dewam bikero. Nê esasî ser o ma xo bi hawayêkê xurtî perwerde kenê û xo seba serra 2020î amade kenê."