Gerîlayanê YJA Starî ke çarçewa 8ê Adare Roja Cinîyan ê Kedkeran de ANFyî rê qisey kerd mesajê xurtkerdişê têkoşînî dayî.

Besê Anuş: 8ê Adare roşnayîya têkoşînê tarîxî de ameyo bewlî kerdene û bi şehîdanê ma  yê rayberan sey Sara, Zîlane û Bêrîtanan mana girewto. Ma sey cinîyî ewro  xeyrê felsefeya Rayber Apoyî semedê heqê cuya xo têkoşîn kenê. Ma sey cinîyê kurdan  prosesêko zaf girîng û ganî de cayê xo gênê. Cinîyê ke nasnameyê ci nêno naskerdene, bi mergî yenê terbîyekerdene û çew vengê înan nêeşnaweno ma înan kenê mîyanê têkoşînê azadîye. Ganî heme cinîyî bi wesîleya na roje hîşyar bê. Ganî ma têkoşînê xo hîna gird bikerê.

Nazlicane Rêdûr: 8ê Adare ganî bi têkoşînî bêro pêşwazîkerdene. Rayer Apoyî bi serran kede da  ke cinîyî semedê azadîya xo têkoşîn bikerê.  Ma ewro rêça hemrayanê xo yê şorişgêrê rayberî Sara, Zîlane, Bêrîtane, Sema û Vîyanan de têkoşîn kenê. Înan têkoşînê xo têna bi teqnayîşê guleyêkî ray ra nêberd. Hetê îdeolojî, dîplomasî, sîyasî ra zî vera sîstemê têkoşînêk ray ra berd. Ma zî kenê ke layiqê înan bê. Bi hezaran şerwanî mewzîyan de xo ver danê. Şîarê ma ganî  wina bo ''şer bikere û bibe azad''. Ma do heta peynî bi nê şîarî têkoşînê xo bidomnê.