Gerîlaya ARGKyî Gulnaz Karataşe ( Berîtane) ke teslîmîyet qebûl nêkerd û xo kaşî ra eşt war, serrgêra 26. ya şehadetê ci ya.

Gerîlayanê YJA-STARî nameyê rayberan ê PKK û Têgêrayîşê Cinîyan ra Berîtane ke 25ê Teşrîna verên a 1992 de cuya xo vînî kerde, serrgêra şehadetê ci de aye rê giredayîşê xo ard ziwan.

Gerîlayanê YJA-STARî vat ke Berîtane sembol û xeta  artêşbîyayîşê cinîyan û Têgêrayîşê Azadîye ya Cinîyan a.

Gerîlayan ra Dîcle Ruhate  tarîxê 25ê Teşrîna verêne sey destpêkerdişê artêşbîyayîşê cinîyan hesibna û wina va: ‘‘Bingeyê artêşbîyayîşî na roje de erzîya. Tarîxê mucadeleyê ma de Berîtane sembol û xeta  artêşbîyayîşê cinîyan û Têgêrayîşê Azadîye  ya Cînîyan a. Bi artêşbîyayîşî ma ver bi azadîye gaman erzenî. Hedefê min o ke ez bibî peyrewa Berîtane  û sey aye xo biresnî û şerr bikerî. Ma do sey Berîtanê şerr bikerî, komelêko azad û rind înşa bikerî.‘‘

BERÎTANE XETA MA YA AZADÎYE YA

Sorxwîn Kandîle zî Berîtane rê heskerdiş û giredayîya xo wina arde ziwan:‘‘ Berîtane Başûrê Kurdîstanî de vera xeta îxanetî bi çalakîya xo ramojna ke kes nêeşkeno azadîye teslîm bigero. Na çalakî tena vera dişmenî  nê vera zihnîyetê teslîmîyetî zî cewab a. Vera îxanetî xoverdayîşê cinîyan vejîya orte. Seke Dêrsim de Bêsê û Zarîfeyan teslîmîyet red kerd,  xo kaşî ra eşt war û  bîyê sembolî, Berîtane zî xeta înan de îxanet red kerd û ruhê xoverdayîşî reyna ramot. Çalakîya aye ra dima bi hezaran peyrewê aye xeta azadîye de şerr kenî. Ewro Xaxurke de peyrewê embeza Berîtane derbeyan danî dişmenî ro. Ma sey peyrewanê Berîtane semedê azadîya Rayberîye û cinîyan do şerr bikerî û serkewtiş dest bifînî.‘‘