Grevê Îklîmî yê Swîsre yo ke têgêrayîşêko aktîf o û 2018 ra nata xeylêk çalakî û grevî kerdê, şerwana enternasyonalîste Eva Maria Seiger (Elefterîa Hambî) yad kerde ke Garê de şehîd bibî.

Grevê Îklîmî hesabanê xo yê medyaya dîjîtale de, derheqê babete de eşkerayîyêka nuştekîye daye.

Eşkerayîye de dîya zanayene ke Eva Maria Steiger sey aktîvîtêka almane kedêka pîle daya pawitişê daristanê Hambachî yê Aachenî. Grevê Îklîmî vat: ''Steigere mîyanê komanê anarşîstan de aktîf bîye, 2018 de derbazê Rojawanî bîye. Aye 2012 ra nata Konfederalîzmê Demokratîkî ra fayde girewt. Aye armanc kerd ke demokrasîya federale û xosere xurt bikera, azadîya cinîyan û cuya ekolojîke biaferna.

Aye têkoşînê vera DAÎŞî û artêşa tirke de zî cagirewt. Ma sey Grevê Îklîmî îdîaya Konfederalîzmê Demokratîkî nêkenê û terefê partîyêke nêgênê la prosesê femînîst, demokratîk û pirneteweyî yê Rojawanê Kurdîstanî bi kêfweşî pêşwazî kenê û paştî danê ci. Raywanîya Eva Maria visnena ma vîrî ke têkoşîno ekolojîk, femînîst û demokratîk pabesteyê yewbînan ê û bêsînor ê. Têkoşînê aye hêz dano têkoşînê ma. Ma keyeyê Eva Maria û embazanê aye rê serweşîye wazenê. Têkoşînê ci do dewam bikero.''