JINNEWSî doneyê şîdetî yê menga gulane eşkera kerdî. Goreyê nê doneyan gulane de tewr tay 34 cinîyî û 8 domanî ameyî qetilkerdene, 18 cinîyan û 2 domanan zî bi hawayêkê şikdarî dinyaya xo bedilnaye.

Ame dîyakerdene ke 11 cinîyî hetê camêrdanê ke tede zewijnaye bîyê ra, hîrê cinîyî hetê camêrdanê ke waştêne tira cîya bîyê ra, 6 cinîyî hetê nasanê xo ra, cinîyêke hetê babîyê xo ra, 3 cinîyî hetê lajanê xo ra, cinîyêke hetê zamayê xo ra û cinîyêke zî hetê birayê xo ra ameyê qetilkerdene.