Vervatoxa Meclîsê Cinîyan ê HEDEPî Halîde Turkoglu bînaya DBPyî ya Amedî de rojdemê cinîyan ercna.

Qiseykerdişê Halîde Turkoglu ra tay noqtayê girîngî wina yê:

''TRT kurdan ra zî bacî gêno. Coka nêeşkeno ke Pervîne Çakar arşîvê xo ra vejo. Bi çinhesibnayîşî şima nêeşkenê vengê kurdan bibirnê.

Seba budçeya 2024î xebatî dewam kenê. Îqtîdar ancî keno ke budçe ra bara cinîyan nêdo. Tirkîya de cinîyî nêeşkenê debara xo bikerê û binê sînorê xizanîye de ciwîyenê. Keda cinîyan her roje yena werdene. Ma do qetî budçeya 2024î qebul nêkenê ke tede canêdîyayo cinîyan.

10 menganê 2023yî de 287 cinîyî ameyî qetilkerdene, 183 cinîyan bi hawayêkê şikdarî dinyaya xo bedilnaye. Cinîyê ke vera şîdetê camêrdan têkoşîn kenê raştê şîdetê dewlete yenê. 25ê Teşrîna Peyêne Roja Têkoşînê Vera Şîdetê Serê Cinîyan de ancî polîsan hêrişê cinîyan kerd. La cinîyî do qetî têkoşînî ra fek vera nêdê.

Seke zanîyeno verê ma de weçînayîşê herêmîyî est ê. Wextê ci ameyo ke ma ancî rejîmê qeyûman rê vajê 'Ma tîya de yê, wayîrê îradeyê xo vejîyenê.' Ma bi şîarê 'Hemserekîya xeta ma ya mor a' do têbigêrê. Seba ke ma vajê ke bi modelê xo yê azadîgîrîya cinîyan tîya de yê venga pêro cinîyan danê ke seba namzetîya namzetan muracat bikerê. Ganî ma vera nê îqtîdarê dişmenê cinîyan têkoşînê xo berz bikerê. Bêrê ma pîya îradeyê xo bimojnê, yew bikerê. Embazê ma wa seba hemşaredarîye, endamîya meclîsanê şaredarîyan û endamîya meclîsanê pêroyî yê şaristanan verê xo bidê partîya cinîyan HEDEPî. Cinîyî do xo û şaristananê xo îdare bikerê. Hêvî zî çareserîye zî ma yê! Jin, Jiyan, Azadî!''