HDPyî 6 cinîyê şorişgêrî yê kurdî yad kerdî
Meclîsê Cinîyan ê HDPyî cinîyê şoişgêrî yê kurdî yê ke Paris û Silopî de hetê dewleta tirke ra ameyî qetilkerdene yad kerdî.
Meclîsê Cinîyan ê HDPyî derheqê 6 cinîyanê ke Silopî de û Paris de ameyî qetilkerdene de ewro eşkerayîyêka nuştekîye daye.
Eşkerayîya HDPyî wina ya:
"Qetilkerdişê Parisî ra dima 7 serrî vîyartî ke Sakîne Cansiz, Fîdane Dogan û Leyla Şaylemez 9ê çeleyê 2013î de Paris de ameyî qetilkerdene. La hema zî kiştoxî nêameyî hukmkerdene. Reyna qirkerdişêko winasên Silopî de ame kerdene û Sêvê Demîr, Fatma Uyar û Pakîze Nayir bi hawayêkê zanayîşî ameyî qetilkerdene. Nê qirkerdişan de cinîyê sîyasetmedarî ameyî hedef kerdene û ame waştene ke vengê înan bêrê kilmkerdene. Ma bi wayîrvejîyayîşê mîrasê azadîye yê embazanê xo do xoverdayîşê xo pîl bikerê. Ma 6 cinîyê sîyasetmedarî reyna bi rêzdarî yad kenê û dewleta kiştoxe şermezar kenê."
