Meclîsê Cinîyan ê HEDEPî bi şîarê ''Ma canêverdenê, her ca de yê'' bernameyê xo yê serê Roja Têkoşînê Vera Şîdetê Serê Cinîyan ê 25ê Teşrîna Peyêne eşkera kerd.

Meclîsê Cinîyan ê HEDEPî Vakurê Kurdîstanî de tewrê aktîvîte û çalakîyanê Têgêrayîşê Cinîyan ê Azadan (TJA) bibo.

Meclîsê Cinîyan ê HEDEPî startê çalakî û aktîvîteyanê 25ê Teşrîna Peyêne do verê Zîndanê Sîncanî de bido ke roniştişê Dewaya Kobanê tede yenê kerdene. Meclîsê Cinîyan bi nê hawayî do wina mesaj bido ke ê hetê cinîyan ê tepişteyan de yê. Seba 25ê teşrîna peyêne gruba Parlamentoyî ya HEDEPî zî cinîyan rê bêra verdayene.

Hemsereka Pêroyî ya HEDEPî Tulaye Hatîmogullari do tewra çalakîya Mayanê Şemeyî biba û Hatay de zî mexdûranê erdlerzî de bêra yewca.