Zîndananê Tirkîya de tepişteyê nêweşî seba ke nênê tedawîkerdene dinyaya xo  bedilnenê. Aysele Tugluka ke Zîndanê Kandira de tepişîyena rixmê nêweşîyanê xo yê giranan zî vera nêdîyena.

Goreyê Komeleya Heqanê Merdiman (ÎHD) zîndananê Tirkîya de 604ê ci giranî 1605 tepişteyê nêweşî estê.

Hemsereka HDPyî ya Dêrsimî Nurşate Yeşîl derheqê rewşa Aysele Tugluk de qisey kerd.

Nurşate Yeşîl îfade kerd ke rewşa zîndanê Tirkîya seba tepişteyanê weşan zî hol nîya û nê zîndanan de xeylêk tepişteyê nêweşî estê. Yeşîle vat: ''Pêvînayîşanê peyênan ê Aysele ra dima ame vatene ke a hînî nêeşkena hewcedarîyanê xo bi sereyê xo peydn bikera. La rixmê ney zî hema zî tepişîyena. Nê janî de merdimê teberî nêeşkenê weşîya xo bipawê, tepişteyî senî eşkenê?

Rixmo ke Fakulteyê Tipî yê Zanîngehê Kocaelî raporê 'nêeşkena zîndan de bimana' dayo Dezgehê Tipê Edlî raporê 'eşkena zîndan de bimana' da. Dezgehê Tipê Edlî biranê sîyasîyan dano. Ganî na xeletîye ra abigêro. Seba ke binê şertanê holan de bêra tedawîkerdene ganî Aysele Tugluk cade bêra veradayene.''