Meclîsê Cinîyan ê HDP û Partîya Çep a Keske derheqê weçînitişê 14 û 28ê gulane de kombîyayîş kerd. Netîceyê kombîyayîşî ame eşkerakerdene.

Beyanname de wina ame vatene: "Prosesê weçînitişî de îqîtdar û îtîfaqê ci yê ke paradîgmaya ma ra tersenê vera cinîyan hêrişê xo zêdînayî û destkewteyê înan kerdî babeta bazarîye. Ma xebata xo ya weçînitişî de sey berpirsîyarîye vera hêrişanê îqtîdarî têkoşîn kerd. Coka prosesê weçînitişî de zî vera têkoşînê azadîye yê ma cinîyan, şîdetê hukm û destbendkerdişî bi zêdîyayîşî  dewam kerd. Ma hedefê nê îqtîdarê faşîstî zanê  ke pê qeyûman dest na destkewteyanê cinîyan ser û bi destbendkerdiş û tepiştişî wazeno verê nê têkoşînî bigêro. Têkoşînê ma, paştîdayîşê cinîyan yo ke yeno pîlkerdene yeno hedefgirewtene.

Bi destê medyaya dîjîtale ya îqtîdarî şexsê hemsereka ma ya pêroyî Pervîne Buldan de cinîyê ke sîyasetê demokratîkî de ca genê, înan rê hêriş yeno kerdene. Xora ma sey partîye berpirsîyarîya xorexnekerdişî genê xo ser. La binê rexnekerdişî de yeno waştene ke têkoşînê ma cinîyan bêro bêîtîbarkerdene. Ma çirey destûrê nê kayanê leyminan ê dişmenî nêda ma do medê. Pêro cinîyî zanê ke no hêriş vera paradîgmaya  ma yo. Bi nê metodan şima nê eşkenê verê sîyasetê ma bîgêrê ne zî destkewteyanê ma cinîyan peyser bêrê. Bi polîtîkaya dişmenîya vera cinîyan polîtîayanê şerî dahîna xorî kenê. Heta ke Îmrali de tecrîdo giran bibo, vera cinîyan û destkewteyanê înan do hêrişî dewam bikerê. Coka ma reyna vanê ke seba ke vera şerî wa haştîye ser bikewo, gerek tecrîd bêro wedaritene.

Ma heta ewro pê keda xo ameyî. Ma waşt ke têkoşînê xo yê têgêrayîşê cinîyan ê kurdan weçînitiş de ramojne la ma kêm mendî. Senî ke ma waştêne ma wina yew teslîîyet nêfîna dest. Nê kemastîyî semedê ma nînê qebulkerdene. Ma sey Meclîsê Cinîyan ê HDP û Partîya Çep a Keske ma kewnê dewrê xo newekerdişî. Ma do bi kombîyayîşanê xo yê cayîyan dest pê xebatan bikerê. Ma do xorexnekerdişê xo yê nê prosesî bi zafêr xebityayîşî bidê. Ma do teslîmîyetî kuçeyan ra bikirişê meclîsî. Ma her cayê cuye de yê. Ma veng danê heme cinîyan. Ma do bi nasname, ziwan, bawerî û keda xo paştdayîşê cinîyan xurtêr bikerê. Teberê têkoşînî de yewna rayîrê ma çîn o. Ma do bi têkoşîn û rêxistinbîyayîşî xo bipawê, zafêr bê û pîya înşa bikerê."