Serekwekîla Parlamentoya Swêdî Lotta Johansson Fornarve, Berpirsîyarê Têkilîyanê Teberî yê Partîya Çepe ya Swêdî Hakan Svennelingî û îdarekarê Forumê Çepî yê Mîyanneteweyî (VIF) Jonas Karlingî vera hêrişanê HDPyî Merkezo Pêroyî yê HDPyî zîyaret kerd.

Hemvervatoxa Komîsyonê Têkilîyanê Teberî yê HDPyî Feleknase Uca, endamanê Koordînasyonê Cinîyan ê HDPyî Rojda Bedia Akkaya û Latîfe Demîrcî Kahya heyet pêşwazî kerd.

Nameyê heyetî ser o  Lotta Johansson Fornarve qisey kerd û derheqê têkoşînê cinîyan ê Swêdî ser o zanayîşî pare kerdî. Fornarve bale ante girîngîya têkoşînê hemparî yê cinîyan ser û da zanayene ke ê wazenê  têkoşînê cinîyan ê HDPyî ra hayîdar bibê.

Rojda Bedîa Akkaya zî ard zian ke DHP partîya cinîyan a û derheqê xebetan de zanayîşî dayî. Akkaya eşkera kerd ke paştdayîşê cinîyan ê vera hêrişanê serê HDPyî çend girîng o û sey cinîyanê HDPyî berpirsîyarîyê înan zêdîyayî.