Têgêrayîşê Cinîyan ê Azadan  (TJA), bi şîarê   "Bi 'Jin Jiyan Azadi'yê ber bi azadiyê ve / Bi Jin Jiyan Azadî ver bi azadîye'' kampanya  daye destpêkerdene. Kampanya  ke do heta 8ê Adare Roja Cinîyan a Dinya dewam bikero, Riha de bi eşkerayîyêke dîyaye eşnawitene. Kombîyayîşo ke Banê Mêmanan ê Yildiz Sarayî de ame kerdene, Hemsereka Pêroyî ya DBPyî Salîha Aydeniz, wekîlê cinîyî yê Partîya Çep a Keske û xeylêk kesî tewrê ci bîyî.

Deklarasyonî ra tay nuqtayî wina yê: ''Ma sey TJA bi wesîleya na kampanyaya xo reyna vanê ke ma do vera sîstemê faşîsîtî yê camêrdê serdestî û temsîlkarê ci AKP, MHP û HUDA-PAR de milê xo çewt nêkerê. Ganî sere de dezgehê mîyanneteweyî heme hetê demokratîkî û komelo mîyanneteweyî vera nê şerî û îşxalî de vindero û paştî bido têkoşînê azadîye. Înanê ke Silêmanî de Nagîhan Akarsel û Paris de Evîne Goyî qetil kerd wa bizanê ke têkoşînê azadîye yê cinîyan do meqedîyo.  Înan ke xo bi ruhê Jin, Jiyan Azadî besto tê, rayîrê azadîye de bîyî meşaleyo tewr pîl.  Ma sey TJA hêzo ke nê meşaleyî ra girewto na kampanya daye destpêkerdene. Ma tîya ra veng danê heme cinîyan ê Tirkîya, cinîyan ê femînîstan û heme cinîyan ê dinya; ma nê têkoşînî pîya xurt bikerê.

Cmêrdê ke cinîyan qetil kenê kenê herinda cezakerdişî de yenê xelatkerdene. Ma sey cinîyan tim yenê qetilkerdene. Sere de Pêkewtişê Îstanbulî destkewteyê ma  cinîyan yenê xespkerdene.  Çunke vera cinîyan hêrişo xorî û sîstematîk est o. Ma vera hêrişê serê cinîyan îtîfaqanê hîrayan ê cinîyan awan bikerê. Ma vera rijnayîş û talankerdişê xoza, herre û xozaya xo bipawê.

Her roje bi operasyonanê sîyasîyan bi desan cinîyî yenê destbendkerdene, tepiştene, raştê şîdetê hukmî yenê.  Îqtîdaro faşîst ke dişmenê cinîyan o wazeno bi polîtîkayanê dişmenkî kurdan, cinîyan, aktîvîstan, rojnameger, kedkar, sîyasetmedar û nasname û grûbanê dînî yê cîyayan rê çok bido dayene. Kenê ke têkoşînê ma krîmînalîze bikerê.  Sere de tepişteyê nêweşî, tepişteyê sîyasîyî raştê hêrişî yenê. Vera cenaza û mezelan hêrişî yenê kerdene. Cinîyê kurdan raştê hêrişê unîformayinan yenê, dezgehê cinîyan hetê qeyûman ra yenê  girewtene. Reyna ajankerdiş, medayê kungkerdişî,fuhuş û tecawuz sey polîtîkaya şerê taybetî yenê rayraberdene.

Ma xoverdayîşê Dayîkanê Şemeyî û Dayîkanê Haştîye û Emîne Şenşayar selam kenê. Ma sey TJA vanê ke ma do bi na kampanya dahîna zaf wayîrê nasname û destkewteyanê xo bivejîyê. Ma veng danê ke ça beno wa bibo wa heme cinîyî vera nê polîtîkayanê leyminan  txoverdayîşî girdêr bikerê. Ziwanê ma yê dayîke, nasname û kulturê ma yê înkarkerdene. Xoverdayîşê cinîyan do polîtîkayanê asîmîlasyonî bin bifîno. Çarçeweya kampanyaya ma de sere de kurdkî ma do seba ziwanê dayîke bibo ziwanê perwerdeyî, têkoşîn bikerê.

Xora hêrişê vera cinîyan pabesteyê tecrîdê Îmraliyî yê. Ma sey TJA vanê ke sere de meseleya kurdan muxatabê meseleyanê komelkî Îmrali yo. Seba ke îdeolojî û paradîgmaya Rayberê Şarê Kurdî Abdullah Ocalan verê têkoşînê cinîyan, ciwanan û şaran akeno, tecrîdê serê ci çend şino yeno xorîkerdene. Coka xoverdayîşê azadîye têna bi vervejîyayîşê tecrîdî eşkeno aver şiro.

Xoverdayîşê cinîyan ke çarçeweya Jin, Jiyan Azadî de pîl bîyo, eşkeno sîstemê tecrîdî bişikno. Hedefê ma yo tewr pîl oyo ke ma tecrîdê serê Rayberê Şarê Kurdî Abudllah Ocalanî bişiknê û azadîya ci ya fîzîkîye bîyarê ca. Semedê xurtkerdişê nê hedefî ma veng danê ke wa heme cinîyê Tirkîya û dinya paştî bidê têkoşînê ma. Ma çarçeweya têkoşînê Jîna Emînî de  kampanyaya xo daye destpêkerdene. Bêrê ma pêro pîya her ca de her wext biqîrê; Bi 'jin jiyan azadî'yê ber bi azadiyê ve.''