Panc merkezanê Kantonê Cizîre  yê Rojawanî de  bi wesîleya 8ê Adare Roja Cinîyan a Dinya rayraşîyayîş ame kerdene.

Rayraşîyayîşê Qamişloyî de cinîyan bi kincanê xo yê tradîsyonelan semtê Sonî ra ver bi Merkezê Kultur û Hunerî yê Mihemed Şêxoyî rayra şîyî. Reyna Tirbespiyê, Girkê Legê, Derik û Til Hemis de zî cinîyan bi reng û tîlîlîyanê xo kuçeyî xemilnayî.

Cinîyan vera şîdetê serê cinîya û hêrişanê îşxalî yê dewleta tirke yê vera Rojawanî hêrsê xo ard ziwan û mesajê xurtkerdişê têkoşînî dayî. Qiseykerdişan de ame vîrsistene ke cinîyê kurdan xeyrê Rayberê Şarê Kurdî Abdullah Ocalanî xo rêxistin kerd û heta ewro ameyî û azadîye ci ameye waştene.