Rojnamegere, akademîsyene û Endama Jineolojî Nagîhane Akarseş 4ê teşrîna verêne ya 2022yî de Silêmanî de amebî qetilkerdene. Endama Merkezê Jineolojî yê Efrînî Zehîde Mamo derheqê keda Akarsele ya seba Efrînî de ANFyî rê qisey kerd.

Zehîde Mamo dîyar kerd ke Akarsele reya verêne Akademîya Jineolojî ya Cizîre de şinasnaya û vat: ''A kesayetêka serkêşe bîye, bi zerrînizmî û hişmendî têgêrayêne. Aye bi nê taybetmendîyanê xo meseleyan rê çareserîye afernaye. Seba ke fikrê Jineolojî Efrînî ra vila bibo aye kedêka pîle daye. Ça de xebata Jineolojîye dest pêbikerêne Nagîhane uca de bîye.''

Zehîde Mamo ard ziwan ke cigêrayîş û prosesêkê perwerdeyî ra dima Efrîn de Merkezê Jineolojî ameyo awankerdene û vat: ''2018 de konferansê herêma Cizîre de ma yewbînî dîyî. Dima a 2019 de derbazê Şehba bîye. Aye zaf waştêne ke uca de zî merkezêkê Jineolojî awan bikera. ''