Silêmanî de projeyê Nagîhane Akarsel ''Kitabxane û Merkezê Zanist, Cigêrayîş û Arşîvî yê  Cinîyan ê Kurdan'' ame akerdene. Nagîhane Akarsel suîkastê dewleta tirke de 4ê teşrîna verêne ya 2022yî de Silêmanî de amebî qetilkerdene. 

Başûr, Vakur, Rojhelat û Rojawanê Kurdîstanî, Almanya, Spanya û Şingalî ra qasê 300 cinîyî tewrê aktîvîte bîyî.

Endama Heyetê Îdareyî ya Kitabxaneyê Cinîyan ê Kurdan û Merkezê Cigêrayîş û Arşîvî Gulane Bextîyar merasîm de qisey kerd. Bextîyar vat ke xoverdayîş û têkoşîn înan rê erkêk o û do wayîrê erkê xo vejîyê.

Çalakîye de derheqê cû, xebatanê Akarsele de sînevîzyonêk ame mojnayene. Dima hunermendî vejîyayî sehne ser. Bername bi sloganê 'Jin, Jiyan, Azadî' qedîya.