Koordînasyonê KJKyî bi mesajêkî serrgêra 11. ya Şorişê Rojawanî fîraz kerde. Mesajê Koordînasyonê KJKyî wina yo:

''Seserra 21. de wexto ke sîstemê kapîtalîstî hêvîya şaran şiknayêne û cinî û pêro şarî mehkumê koletîye kerdêne Şorişê Rojaqanî bi nameyê zîlkerdişê hêvî û awankerdişê cuya newîye. Şorişê Cinîyan ê Rojawanî yo ke bi roşnîya paradîgmaya ekolojîk, demokratîk û azadîwaza cinîyan aver şîyo, sere de Rayber Apoyî rê pêro cinî û şaran rê fîraz bo.

Ma şexsê Şîlan Kobanê, Xebat Dêrik, Silava, Barîn Kobanê, Arîn Mîrkan, Avesta Xabur, Aylan, Polat, Aqîde Ana, Ebu Leyla û Yusra Derwêş de pêro şehîdanê şorişî bi minet û rêzî yad kenê. Şorişê Rojawanî yê 19ê Temmuze planê hêzanê hegemonan serûbin kerdî û cuya hempare ganî kerde. Cinîyan zî serkêşîya Şorişê Rojawanî kerde, bedelê giranî dayî, şorişî ra apey gamêke nêeşte û tim şoriş kerd pîlêr.

Wexto ke pêro dinya de cinîyî hepsê sînoranê dewlete û keyeyan ameyêne kerdene cinîyanê kurdan Rojawan de vera kanwazîya AKP-MHP û DAÎŞî bê tersî şer kerdêne û temsîlîya cewherê welatperwerîye kerdêne. Coka Şorişê Rojawanî şorişê cinîyan o. Cinîyan bi Şorişê Rojawanî dî ke ê eşkenî çi-çi bikerê û bi îradeyê xo resayî cuya xo ya esîle. Cinîyan bi YPJyî xopawitiş de, bi Kongreya Starî awanîya sîstemê konfederalî de cagirewt, şoriş munit, bi feslefeya Rayber Apoyî xo roşnî kerd û cinîyî bîyê hêz û garantîyê şorişî.

Bi sîstemê hemserekîye hêzê temsîlkerdişî yê cinîyan bihêz bi, cewherê demokratîk û edîlî yê cinîyan vilayê pêro komel bîyî. Ewro rejîmê AKP-MHPyî yo faşîst û hêzê hegemonîkî vera nê şorişî hêrişanê xo rê dewam kenê û cinîyan kenê hedef. Eke şar wayîrê ci vejîyo û bi raştî awan bibo şoriş eşkeno bipawîyo. Yew şoriş ancax eke bingeyê demokrasî û rengê cinîyan de aver şêro beno bihêz û vera hêrişan eşkeno xo bipawo.

Sere de cinîyê kurd, ereb, armenî û sûryanî çar hetanê dinya ra cinîyê enternasyonelî tewrê Şorişê Rojawanî bîyî, înan Rojawan de erjê merdimatîye pawitî û seba nê erjan şehîd bîyî. Nê cinîyê ercîyayeyî vera kapîtalîzmî bîyê bingeyê konfederalîzmê cinîyan. Ma bi na wesîle nê cinîyan ê enternasyonelan ê ercîyayeyan bi rêzî yad kenê û reyna soz danê ke wayîrê vîrameyîşê înan vejîyê, şorişî pîlêr bikerê û konfederalîzmê cinîyan ê dinya bîyarê ca.

Bi na wesîle ma venga pêro cinîyan ê şorişgêr û sosyalîstan û şaran danê ke vera hêrişan Şorişê Rojawanî yo ke hêvîya pêro cinîyan û şaran a, bi ruhê xoverdayîşê Kobanê bipawê û wayîrê ci vejîyê. Serrgêra 11. ya nê şorişê bêhempayî Rayber Apoyî rê, şehîdan rê, dadîyan rê, pêro cinîyan rê û şaran rê fîraz biba.''