KJK: Cayê her cinîya ke yena tepiştene ganî bêro dekerdene

Koordînasyonê KJKyî kampanyaya hemverê cinîyan a tepiştiş û binçimgirewtişî şermezar kerd, vat ke dekerdişê cayê her cinîya tepiştî „gureyêk“ o.

Koordînasyonî ard vîrî ke kesê ke ê operasyonan de girîyayê binê nezaretî înan ra 59 cinî yê û vat ke do cinîyî teslîm nêbê.

Koordînasyonî vat ke „zihnîyetê AKP-MHPyî yê faşîstî 9ê Teşrîna verêne de bi operasyonanê qirkerdişan 141 tenî girewtî binê nezaretî, cinî bîyayîşê 59ê nînan reyna dişmenîya faşîzmî ya hemverê cinîyan ramoto.

CINÎYÎ HEZARAN SERRÎ YO TESLÎM NÊBÎ, DO NÊBÊ

KJKyî vat: „Sere de pêroyê dinya de xusûsen zî Tirkîye de dişmenîya berdewame ya hemverê cinîyan heme waranê cuye de xo ramojneno û yeno waştene ke bendetîya cinî bêro dewamkerdene. Wa bêro zanayene ke cinîyan hezaran serrî yo ke hemverê faşîsm û zihnîyetê  camêrdî yê îqtîdarî de teslîm nebîya û do nêbo.“

HER ZIHNÎYETO KOVÎ YO KE BENO BÊHÊZ BENO HÊRIŞKAR

KJKyî ard ziwan ke seva ke dewlete bîya bêhêz hende bîya hêrişkar û vat: „Raştîyêk esta ke tradîsyonê mucadeleyî û biqerarîya ke tarîxî ra heta Rozayan, Zîlanan, Nûdeman û înan ra zî heta Medyayan resenê ewro do peynî ro rejîmê faşîstî biyaro. “

WEÇÎNITIŞANÊ CAYÎYAN DE DO BÊRÊ BINERDKERDENE

KJKyî bale ante weçînitişanê cayîyan ser û vat: „tu operasyon, tepiştiş yan zî qirkerdiş do nêeşko sindoqan de vernîya binerdbîyayîşê îqtîdarê faşîstî bigîro.“ 

CAYÊ HER CINÎYA KE YENA TEPIŞTENE GANÎ BÊRO DEKERDENE

Dewamê eşkerayîye de nînan rê ca dîya: „Ganî cayê cinîyanê ke ameyê tepiştene dekerdiş û hemverê faşîzmî de sazî, partî û têgêrayîşanê xo rê wayîr vejîyayîş bibo gureyo esas. Ganî faşîzmî ra nêro tersayene û bi raştîya ke do faşîzm bêro binerdkerdene organîzasyon bêro xurtkerdene.     

Wa heme cinîyî û cimat bizano ke senî hêzê ma estbi ke ma heverê DAÎŞî yo ke sertîlikê kovîtî de bi mucadele bikerê, wina hêzê ma esto ke ma hemverê AKP-MHPyê faşîstî de zî mucadele bikerê. Ma cinîyî caran bi qirkerdiş û tepiştişan nêqedîyayî.“   

MA VENG DANÊ BI MUCADELE Û PAŞTÎDAYÎŞÎ

KJKyî peynîya eşkerayîye de seva paştîdayîşî veng da û vat: „Ma wazenê ke heme cinîyî hemverê îqtîdarê faşîstî yê AKP-MHPyî de mucadeleyêkê hemparî bidê. Faşîzm ancax bi mucadeleyê hemparî yeno qedênayene.“

Eşkarîyî wina qedîya: „Axir ma operasyonanê qirkerdişî şermezar kenê, veng danê heme cinîyan ke paştî bidê ê cinîyanê ke ameyê tepiştene, gîrîyayê binê nezarîtî û zindan de yenê girewtene. Bi bawerîya ke ma do bi azadîya cinî faşîzmî raşanê silam û heskerdişanê xo pare kenê.“