Koordînasyonê KJKyî derheqê hêrişê hêzanê Iraqî yê vera Kampa Mexmûrî de eşkerayîye daye û nê vatî:

"Şarê Mexmûrî vera hêrişanê DAÎŞ, dewleta tirke û PDKyî xover da û hêrişê înan betal kerdî.  Bado ke hêrişê DAÎŞî ameyî betalkerdene bitaybetî dewleta tirke û PDKyî bi hewayêkê hemkarî kampe ser o zext kerd, ambargoyê weşîye ra heta ambargoyê ekonomîyî her hetî ra şîyî şarê Mexmûrî ser. Pê droneyanê çekdaran hêrişê serkêşanê şarî kerd. Seba ke bi nê hêrişan netîce nêgirewt, narey serê hukmatê Iraqî ra konseptê hêrişî yo newe fîna dewre.

Kampa Mexmûrî kampa cuya azade, kampa xoverdayîşî ya. Nika serê Iraqî ra bi hemkarîya PDKyî yeno waştene ke no warê cuya  bi konseptê newî yê zextî bigêrîyo binê kontrolî. Wazenê pê têlan bêro girewtene, kuleyî bêrê viraştene. Kampa Mexmûrî ya ke bi keda pîle ya şar, dayîkan û ciwananê ma bîye warê azadî, yeno waştene ke bibo kampa kombîyayîşî. Xora şarê ma no qebul nêkerd, do qebul mekero. Ma xoverdayîşê şarê Mexmûrî silam kenê. Di rojî yo şarê ma xover dano û vano do nê qebul mekero.

Heqê dewleta Iraqî çîn o ke vera îradeyê yew şarî, hem zî şarêko raştê qirkerdişan ameyo, çîyo winayên bikero. Cayo ke şar tede ciwîyeno şima nêeşkenê bikerê kampa kombîyayîşî. Çîyo winayên nîno qebulkerdene. Heta ewro yew zirarê şarê Mexmûrî nêrasayo çewî. Vera dişmenê kurdan û Iraqî têkoşîn kerdo û herra xo bi hewayêkê fedayîtî pawita, bedelî dayî. Gerek dewleta Iraqi polîtîkaya xo newe ra bîgêro dest, bibedilno û bi hewayêkê demokratîkî  îrade û waştişê şarî bivîno. Gerek şarê kurdî û cinîyî wayîrê xoverdayîşê şarê Mexmûrî bivejîyê. Gerek her ca de, paştî bêro dayene,  no xoverdayîş bêro xurtkerdene."