Koordînasyonê Komalanê Cinîyan ê Kurdîstanî (KJK) bi eşkerayîyêke serrgêra 19. ya ronîyayîşê xo fîraz kerd. Eşkerayîye wina ya:

''Ma sey KJKyî serrgêra 19ine de yê. Ma pêro cinîyanê azadîgîran selam kenê. Ma Rayber Apoyo ke ma ardê nê rojan bi heskerdişî selam kenê. Serkêşîya embaze Sakîne Cansiz (Sara) de bi hezaran şehîdê ma ewro verê ma roşnî kenê. Bi na wesîle ma pêro şehîdan bi rêz û minetî yad kenê. Têkoşînê ma bi YJA-Starî, partîya ma PAJKî û bi des hezaran cinîyan dewam keno. 

Konfederalîzmo demokratîk ê cinîyan modelê cuya azade û alternatîfe eşkera keno, vera serdestîya camêrdan, kerdiş û ferasetê camêrdan gamanê cuya azade erzeno. Sîstemê KJKyî azadîya cinîyan ra tawîz nêdano.

Têkoşînê ma bi rayraşîyayîşê embaze Sara dest pêkerd, bi rêxistinîya YJWK û YAJKî dewam kerd, ver bi artêşbîyayîşî şi, bi PAJKî mende bi, 2005 de vurîya KJByî û 2014 de bi nameyê KJKyî pêro dinya rê vengê xo da eşnawitene.

KJKyî bi PAJKî hêzê xo yê îdeolojî û kadroyan, bi YJA-starî hêzê xopawitişî û bi Komalanê Cinîyan ê Ciwanan zî hêzê xo yê rêxistinîye zêdînayî. Ewro ma armanc kenê ke pêro dinya rê sîstemê konfederalê demokratîkî yê cinîyan vila bikerê. KJK bingeyê bawerîya Rayberîye ya bi cinîyan de mesuldarîya berzkerdişê têkoşînî û erjanê cinîyan ano ca. KJK hedef keno yewîya cinîyan awan bikero. 

Ma nê prosesê tarîxîyî de bi şîarê Jin, Jiyan, Azadî ver bi şorişî şinê. Sey cinîyan ê kurdan ma qerardar ê ke serkêşîya cinîyanê dinya bikerê.  Serrgêra ronîyayîşê KJKyî pêro cinîyan rê fîraz biba. Ma serrgêra ronîyayîşê KJKyî 18ê nîsane bi xorinkerdişê awankerdişê cuya azade ya bi erjanê cinîyan, dinyaya cinîyan û sîstemê konfederalê demokratîkî yê cinîyan fîraz bikerê.

Embaze Sara bi terzê xo yê têkoşînî û cuya xo pusulaya ma ya. Ma ganî sey embaze Sara vera camêrdatîya serdeste têkoşîn bikerê û cuya Sarawarîye awan bikerê. Ma têkoşînê demokratîkî reyde têkoşînê ekolojîkî zî aver berê û her cayî keskî bikerê. Bi nê hawayî ma abigêrê dadîya xoza û ronîyayîşê KJKyî fîraz bikerê.

Seserra 21ine zî pêro wextê bînî zî ê ma yê. Ma bi ala xo ya more, tîj, estare û kulturê xo ver bi serkewtişê ronîyayîşê konfederalîzmê demokratîkî şinê. Ma zanenê ke azadîya Rayber Apoyî azadîya pêro cinîyan a. Erkê pêro cinîyan o ke tewrê Hemleya 'Rayber Apoyî rê Azadîye, Meseleya Kurdan rê Çareserîye' bibê.

Bi na wesîle ma venga pêro cinîyan danê ke nê rayraşîyayîşê ma pîlêr bikerê û tewrê ci bibê.''