Koordînasyonê KJKyî bi wesîleya serrgêra 7. ya Qirkerdişê Parisî eşkerayîyêke daye. Eşkerayîya KJKyî wina ya:

"9ê çeleyê 2013î de rayberanê partîya ma ra Sakîne Cansiz (Sara), mîlîtanê cinîyî Fîdane Dogan (Rojbîne) û Leyla Şaylemez (Ronahî) Paris de ameyî qetilkerdene. No qirkerdiş mîyanê kondernîteya kapîtalîste de bi armancê tasfîyeyê hêzanê kurdan hetê dewleta tirke ra ame kerdene.  No qirkerdiş o ke hetê Erdogan û MÎTî ra ame kerdene çarçeqa operasyonê vera çarserîye haştîye û çaresereyî mesela kurdan ame kerdene. Bi nê hawayî rayberanê partîya ma ra Sakîne Cansiz ameye hedefkerdene.

Rayberîya ma seba Qirkerdişê Parisî vat Terteleyê Dêrsimî yo diyîn. Embaz Sakîne temsîlkara cinîya xoverdayoxe ya Dêrsimî bîye. Coka embaze Sakîne Qirkerdişê Parisî de bi hawayêkê tesadûfîyî nêameye weçînayene. Dewleta tirke ya ke  12ê êlule de nêeşkaye zîndanan de verê xoverdayîşê embaze Sakîne vindera, bi Qirkerdişê Parisî waşt ke netîce bigêra. Embaze Sakîne naye ra ameye qetilkerdene.Kiştoxê Qirkerdişê Parisî yenê zanayene. Hukmatê Fransa ganî dewleta tirke hukm bikerdêne. La hukmatê Fransa serebût nimna. Cinî, ciwanî û şarê kurdî naye do xo vîrî ra nêkerê. No qirkerdişêko pîl bi. Ma do heta peynî na dewa dima bê.

Ma serrgêra 7. ya Qirkerdişê Parisî de embazanê xo Sara, Rojbîne û Ronahî bi hurmetî yad kenê. Ma do hesretê înan, utopyaya înan a nêmmende bîyarê ca; Kurdîstanê Azadî, cinîya azade û îdealê komelî awan bikê û bi nê hawayî perwerîya xo pêşkêşê nê embazanê xo bikê. Bi awankerdişê sibayanê azadan ma do xoverdayîş û têkoşînê embazanê xo pratîze bikerê.

Sara-Sakîne Cansiz

Embaze Sara-Sakîne Cansiz Dêrsimî ra kewte rayîr û raywanîya têkoşînê azadîye de waranê taybetan û cîyayan de ca girewt. Tirkîya de û Kurdîstan de rayberîya cinîyan kerde. Zîndanan de vera celadan vinderta. Koyanê Kurdîstanî de bîye raybera têkoşînê azadîye. Sara rayberêke û şorişgêrêka cinîye bîye ke paradîgmaya, xeta Rayber Apoyî bi bawerîye teqîb kerdêne û pratîkê na xete bi zerrînizmîye ardêne ca.

Rojbîne-Fîdane Dogan

Rojbîne-Fîdane Dogan nasnameyê xo yê kurdî Ewropa de şinasna. Bi coşê xo, rîyê xo yê huyayeyî, fedakarîya xo, paştdayîşê xo yê bi cinîyan dîplomasî karê dîplomasîyî kerdî. Rojbîne wina dîplomasî aver berd ke dîplomasî bi torra embazîya mabênê şaran û cinîyan.

Ronahî-Eylem Şaylemez

Ronahî-Leyla Şaylamez Mersîn de keyeyêkê welatperwerî de ame dinya.Ronahî  Ewropa de ciwanî bi rêxistinkerdişî tewrê têkoşînî kerdî. Aye rayberîya pêro çalakî û aktîvîteyanê cinîyan kerde. Ronahî wayîrê zerrîyêke bîye ke tede coşê cinîya azade û xîretê xoaverberdişî û musayîşî estbî.

Sere de ma sey embazanê înan, pêro şarê ma ganî vîrameyîşê înan raywanîya xo ya azadîye de seba xo rayber bikê. Ma pêro bibê Sara, Rojbîne û Ronahî û vajê Cuye, Cinîye, Azadîye. Nê esasî ser o ma embazanê xo Sêvê, Pakîze û Fatma yê ke 6ê çeleyê 2016î de Silopî de ameyî qetilkerdene zî bi hurmet yad kenê. Keda înan û keda şehîdanê xoîdarekerdişî ewro sîstemê konfederalîzmê demokratîkî de pratîze benê.''