Koordînasyonê KJKyî bi wesîleya serrgêra Qirkerdişê Şingalî yê 3yê Tebaxe eşkerayîye daye. KJKyî vat: '' Ma şexsê Mam Zekî, Nujîyane, Zerdeşt û Bêrîvane de heme şehîdanê xo bi hurmet û minetî yad kenê û soz danê ke ma do xebatanê înşakerdişê Şingalê xoserî bidomnê û qesasê cinîyan ke esîr kewtê destê DAÎŞî bigerê.''

Eşkerayîya KJKyî wina ya: Dişmeno tewr pîl yê merdimîye DAÎŞî erjê merdimîye hedef girewtî û waşt her çîyê manevîyatî çîn ibkero. Çeteyanê DAÎŞî hêrişê Şingalî kerd ke erjanê xo paweno. Nê hêrişî ra reyna ziraro tewr pîl cinîyan dî. Bi vatişê Rayber Apoyî sîstemo kapîtalist vano 'Verî bidê cinîyan ro.' Rikê na îdeolojîya vera vinîyan, Rayber Apoyî bi îlkeyê 'Verî cinîyan bixelisnê' têgêra. No tewiro ke zîhnîyetê camêrdê hegemonî deşîfre keno û vera ci vejîyeno, bi sebebê xorîkerdişê tecrîdê serê Rayber Apoyî la no vengê heqîqetî heme dinya rê vila bi.

Çeteyê DAÎŞî yê ke temsîlkarê wehşîyî yê camêrdîya hegemonî yê, cinîyê êzidîyan sey ganîmetî hesibnayî, înan rê tecawuz kerd û sey koleyan zereyê qefesan de bazaran de rotî. Hema zî aqibetê bi hezaran cinîyan ê êzidîyan nîno zanayene. Nê hêrişan mojna ke sere de cinîyê êzidîyî, şarê Şingalî têna bi Şingalê xoser û demokratîkî eşkeno xo bipawo. Şarê ma êzidî yo ke pê bi qirkeridşî ame waştene ke bêro çînkerdene, bitaybetî cinîyan ê êzidîyan ke nê bedelê girdî dayî, bi rêxistinkerdişî cewabê qirkerdişî da. Şarê êzidî ke raştê 73 fermanan ameyo bi paradîgmaya Rayber Apoyî xo rêxistin kerd û mojna ke fermanî qederê ci nîyê. Na çarçewe de cinîyê êzidîyan bi xoverdayîşê xo sere de cinîyê erebî yê iraqijî,  heme cinîyan ê Rojhelatê Mîyanênî rê serkêşîye kenê.

Cinîyê afganan zî tebaxa 2021î ra nata bi îqtîdarê Talîbanî binê eynî zîhnîyetê kanperestî de ciwîyenî.  Heqê înan ê perwerde, weşî, xebityayîşî ra heta pêroyê heqanê cuye destê înan ra ameyo girewtene û yeno waştene ke nefesê înan bêro birnayene. Nê qrûbî nişka nêvejîyayî werte. Her cayê dinya de sey îdeolojîyêka dişmenê cinîyan û şaran hetê hêzanê hegemonî ra yenê paştdayene. Hêrişê dewleta tirke yê vera Şingalî her hetî ra paştdayîşê çeteyanê DAÎŞî yo. Talîban Îstanbul de kombîyayîşan keno û hetê AKPyî ra yeno naskerdene. No zî tekîlîya înan fîneno çîman ver.

Rojhelatê Mîyanênî de DAÎŞ û AKP, welatanê sey Nijerya û Malî yê Afrîka de Boko Haram, Afganîstan de Talîban. Nê rêxistinê çeteyî mojnenê ke vera hêrişê camêrdê hegemonî têkoşîno yewhet nêvejeno. Vera nê çeteyanê dişmenê cinîyan têkoşînê  îdeolojîk, rêxistinkî û xopawitişî hewce keno. Seba ke zîhnîyetê DAÎŞî werte ra bêro wedaritene ganî têkoşîn her hetî ra bêro xurtkerdene.

Ma veng danê heme cinîyan ke mabênê tarîxanê 3yê tebaxe ke DAÎŞî hêrişê Şingalî kerd û 15ê tebaxe ke Talîbanî destna îdareyê Afganîstanî ser, wa bi slogana ''Vera hêrişanê camêrdan ê hegemonî ma cayê cinîyan ê Şingal û Afganîstan de yê'' tekoşînî xurt bikerê. Sere de cinîyê êzidî û afganî ma paştî bidê heme cinîyan ke binê zilmî de yê, ma têkoşînê xo yê hemparî xurtêr bikerê.''