Koordînasyonê KJKyî bi eşkerayîyêke Hemleya 'Abdullah Ocalanî rê Azadîye, Meseleya Kurdan rê Çareserîya Sîyasîye' selam kerde ke 10ê teşrîna verêne de 74 merkezan de dîyabî destpêkerdene.

Eşkerayîye wina ya:

''Rayber Abdullah Ocalan 25 serrî yo hucreyê yewkesî de tepişîyeno. Vera nê şertanê esaretî 10ê teşrîna verêne de, 100 ra zêdeyêr merkezanê dinya de dostê ma tewrê Hemleya 'Abdullah Ocalanî rê Azadîye, Meseleya Kurdan rê Çareserîya Sîyasîye' bîyî. Bangladeş, Tokyo, Hîndîstan, Afrîkaya Başûre, Amerîkaya Latîne ra heta Ewropa xeylêk cayanê dinya de cinîyan serkêşîya çalakîyanê hemle kerde. Ma nê cinîyan zî selam kenê. Nê çalakîyê mîyanneteweyîyî vera Komployê Mîyanneteweyî, seba azadîya Rayber Apoyî û çareserîya meseleya kurdan destekêkê pîlî danê. Nê çalakîyî do seba serkewtişê hemle dîyarker bibê.

Nê çalakîyanê mîyanneteweyîyan mojna ke fikrê Rayber Apoyî asta mîyanneteweyîye de tesîr kenê û paştdayîşo enternasyonel çend girîng o. Cinî, ciwan, sosyalîst, çepgîr, antî-kapîtalîst, anarşîst û bindestî bi xurtî tewrê na hemle bîyî û seba rêxistinî û têkoşînê yewbîyayeyî bîyî nimûne. Ganî no tewir bêro pîlkerdene. 

Tecrîd û hêrişê vera Rayber Apoyî vera pêro kurdan vurîyayê bîyê hêrişê qirkerdişî. Rojawan, Mexmûr, Başûr û Şingal hetê dewleta tirke ra dîyenê bombayan ver, doman, cinî, hêzê pawitişî û sivîlî yenê qetilkerdene. La nê hêrişî nêeşkê bikerê ke kurdî apey game bierzê. Bi na wesîle ma îfade kenê ke ma hetê şarê Mexmûrî de yê û birîndaranê ci rê şîfa wazenê.

Rejîmê qirkerdişî yê Erdoganî do bin bikewo û xoverdayîşê gerîlayan û îradeyê şarê ma do ser bikewê.

Ma ancî Hemleya 'Abdullah Ocalanî rê Azadîye, Meseleya Kurdan rê Çareserîya Sîyasîye' selam kenê. Waştiş û mesajanê destekî yê beşdaranê na hemle kelecan û hêvîyêka pîle viraşte. Ma pê hêvî kenê ke nê çalakîyî bi hêzêrî sîstemê kapîtalîstî yê barbarî vindarnê. Xoverdayîş û têkoşînê Rayber Apoyî qetî do ser bikewo. Bi têkoşînê ma yê hemparî û hêzê hemparî Rayber Apo qetî do azad bibo!''