Kobanê de serkêşîya Yewîya Cinîyan ê Ciwanan de vera Komployê Mîyanneteweyî yê vera Rayberê Şarê Kurdî Abdullah Ocalanî rayraşîyayîş ame organîzekerdene.

Rayraşîyayîş de yo ke  qezaya Qînê de dest pêkerd, cinîyan ê ciwanan posterê Abdullah Ocalanî kiriştî û sloganê sey "Bê Serok Jiyan Nabe" û "Bijî Berxwedana Gerîlla"  vatî. Dima ra eşkerayîye ameye wendene. Eşkerayîye de ame vîrvîstene ke komplo şexsê Abdullah Ocalanî de sere de vera kurdan û vera heme şaranê azadîwaştoxan ame kerdene û ame vatene ke heta ke Abdullah Ocalan azad mebo, ne şarê kurdî ne zî cinîyê dinya eşkenê bibê azad. Cinîyan veng da wa semedê azadîya Abdullah Ocalanî têkoşîn bêro xurtkerdene.