KON-MEDî bi eşkerayîyêke da zanayene ke emser Newroza Ewropa ya merkezîye ancî Frankfurt de, 29ê adare de do bêra fîrazkerdene. 

KON-MEDî vat: ‘’Kurdîstan de têkoşînê azadîye 50 serrî yo dewam keno. Newroze hertim bîya roja newebîyayîşî û pîlkerdişê xoverdayîşî. Adiro ke hetê Kawayê Asinkerî ra ameyo tavistene, Kurdîstan de har beno. Ma prosesê tarîxî de yê. Rayber Apoyî 27ê sibate de vengdayîşê ‘Haştîye û Komelê Demokratîkî’ kerd.Ma Newroze de waran de nê vengdayîşî mende bikerê. Vengdayîşê Rayber Apoyî Newroze reyde do bibo yew. Ma bi sloganê çareserîya demokratîke ya meseleya kurdan û azadîya Ocalanî do vejîyê waran.

Ma venga pêro dezgehanê kurdan ê Almanya danê ke bi perspektîfê vengdayîşê Rayber Apoyî û bi ruhê seferberîye 29ê adare de Frankfurt de tewrê şayîya Newroze bibê. Ma venga pêro meclîsanê şarê ma û îdareyanê federasyonanê xo danê ke seba ke şarê ma biresnê warê Newroze seferber bibê.’’