Teorîsyen, edîtor û nuştox Nils Anderssono ke Rayber Apoyî nêzdî ra şinasneno derheqê Vengdayîşê Haştîye û Komelê Demokratîkî de ajansê ma rê qisey kerd.

Nils Anderssonî adirbirnayîşê 2013î vist vîrî û vat: ‘’Goreyê mi cigêrayîşê çareserîye yê 2013î de û ewro Ocalan tarîx de têrî nêmend, eqsê ci tarîxî nuseno. O tarîxê şarê kurdî nuseno. Meseleya kurdan, meseleyê ke Erdogamî afernayê, qewimîyayîşê Sûrîye est ê. Ocalan wazeno cewabê nê pêroyînan bido. 

Ocalan wazeno sey Rojawanî Tirkîya de zî demokrasî awan bikero û şaranê bînan bîyaro têhet. Ez pê bawer a ke Ocalan do rayîrê haştîye awan bikero. Ganî şarî goş bidê nê vengî.’’

Nils Anderssonî ard ziwan ke heqê kurdan çarçewa demokrasîyî de ganî bêrê dayene û vat: ‘’Ewro çekverdayîşê PKKyî yeno nîqaşkerdene. La vîzyonêkê PKKyî û serkêşê ci est ê. PKK tena rêxistinêka çekdare nîyo. PKK dewaya kurdan temsîl keno. 

Eke rejîmo nikayên xo nêvurno demokrasî do nêro. Seba ke PKK lîsteya terorî de yeno verdayene têgêrayîşê kurdan yenê sûcdarkerdene. A raşte Tirkîya terorîst a.’’

Nils Anderssonî peynî de nê çîyî vat: ‘’Şima nêeşkenê kesêkê bînî de muzekere bikerê ke no kes zîndan de yo. Ganî Ocalan azad bibo û wina tewrê muzakereyan bibo. Seba ke no proses ser bikewo no lazim o. Ganî Ocalan serbest bibo. Eke armanc prosesêko samîmî bo demokrasî şert o.’’