Cafer Sîîrtî qala embazê xo fermandarê efsanewî yê PKKyî Adil Bilikî kerde:

''Embaz Adil Botanî ra dewa Bilika ra bi. Ma  1989 de warê Girê Hirmoyî yê Cûdî de yewbînî şinasnayî. Embaz Adil fermandarê manga bi. Embaz Adil pratîkê 88-89î de Cûdî de mend ma zî Gabar de bîyî. 

Ma wextê wezîfeyan de o dîyêne. Embaz Adil serranê 88-89î ra dima vejîya vernî, dima bi fermandar. Her kes pratîkê ey ra o şinasnayêne. O ê embazan ra yew bi ke Gabarî ra hêverî şi qarê Rayberîye. O çax embaz Şîyar warê Cûdîyî de fermandarê tîme bi. Zimistanê 89î de ey ma xo reyde berdî. Embaz Adil 1990 de tewrê Kongreya 4. bi. Kongre ra dima wezîfe girewt û derbazê herêma Gabarî bi. Herêma Gabarî de tewrê pêro karanê sîyasî û leşkerîyan bi.

O her tim vernîya cepheyî de bi. Kongre ra dima embaz Adil ame Gabar. Embaz Adil tewrê zaf çalakîyan bi. Ya fermandarê baskêkî ya koordînator yan zî fermandarê çalakîye bi. Serra 1986î de dişmenî Heftanîn de pêro sînorî girewtbi. Kes nêeşkayêne uca de çalakîye bikero. Ey Girê Sînekî de eşt dişmen ser û uca kontrol kerd. Cayêko her kes vatêne tede çalakîye nêbena ey çalakîye kerdêne û ser kewtêne. Nê tewirê ci ra embazan û şarî ci ra zaf hes kerdêne. O dişmenî ra nêtersayêne. O perwerê Rayberîye, perwerê şehîdan û embazanê xo bi.

Tewr peyên serra 2006î de wexto ke embaz Adil Vakur de bi ma pê telefonî qisey kerd. O çax embaze Vîyane çalakî kerdbi. Embaz Adilî vatêne 'Ez şora Botan û Gabar û bi ruhê Vîyane bixebita.' Embaz Adilî sozê xo ard ca. Serra 2006î serrêka girane bîye. Embaz Adilî hemleyêke daye destpêkerdene. Tesîrê na hemle vila bi. Şehadetê ey ma rê zaf tesîr kerd. Ey kerd ke perwerîya ma ya rêxistinîye xurtêr biba. Ey mojna ke ganî ma zêdêr perwerê Rayberîye, şehîd û embazanê sey ey bibê. Ganî ma layîqê nê pratîkê ey bibê.''