Bajarê Kielî yê Almanya de saetanê serê sibayî de polîsan pê kutikan eşt keye û komeleya kurdan ser. Badê sereştişî ekîbê krîmînalî ameyî sewqkerdene.

Gama ke kes  ûca nêbi berê komeleya kulturî ya kurdan bi kilîtviraştoxî ame akerdene. Polîsan kilîtê pêro beran zî bedilnayî.

Operasyon de N. A. Ame destbendkerdene. Eynî sereştişî de pîya bi komele banê panc kesan ameyî sereştene la nê keyeyan de kesak nêame destbendkerdene.  

Dîya zanayene ke merkezê operasyonî Hamburg o û derheqê 9 adresan de qerarê gêrayîşî est o. N. A. bi şikê  endamîya PKKyî ame destbendkerdene.