Têgêrayîşê Cinîyan ê Kurdan ê Ewropa (TJK-E) derheqê xebatanê serê têkilîyanê teberî de 3-4ê hezîrane de bi beşdarîya 50 delegeyan şaristanê Baselî yê Swîsre de konferansêk kerd. 

Konferans de derheqê konfederalîzmê cinîyan ê dinya, akademîbîyayîşê xebatanê teberî û awankerdişê sîstemî de nîqaşî ameyî kerdene. Konferans de plansazîya çalakîyanê mabênê 25ê teşrîna peyêne-9ê çeleyî ameye kerdene.

Konferans çar roniştişan ra ame pê. Roniştişê yewinî de polîtîkayê pederşahîye, roniştişê diyînî de xebatê têkilîyanê teberî yê cinîyan, roniştişê hîrêyînî de konfederalîzmê cinîyan o demokratîk û roniştişê çarinî de hemleyê verê ma ameyî ercnayene.