Konferansê ''Zincîrê Bêvengîye: Rijnayîşê Dêsanê Dormeyê Tepişteyan ê Cinîyan'' ê TJA Amed de vizêr qedîya.

Vizêr çarçewa konferansî de hîrê roniştişî yê bi nameyê ''Ma senî eşkenê aver şorê'' ameyî kerdene. 

Akademîsyen û aktîvîste Prof. Dr. Shadrzade Mojad bi Zoomî roniştişê ''Dîyalogan ra ver bi çalakîye: seba tepişteyan ê cinîyan ê sîyasîyan averberdişê stratejîyan, awankerdişê planan.'' Shahrzade da zanayene Îran de zîndanan de şîdeto cînsel sey metodêkê îşkenceyî şuxilîyeno û ganî teyna zîndanan de ney her ca de rejîmê otorîterî wedarîyê.

Dima aktîvîsta TJA Gulbahare Alpsoy qiseykerdişo peyên kerd. Alpsoye pare kerd ke no konferans destpêkê xebatanê înan ê neweyan o û konferansî de înan birê girîngî girewtî. alpsoye vat: ''Ma xeylê tecrubeyî pêser kerdî. Nê tecrubeyî do biresê rêxistinîya ma. Ma cinîyanê Tirkîya, Kurdîstan û dinya de nîqaşî kerdî. Nê nîqaşî têkoşînê hemparî do awan bikerê. Sînorî ma ney serdestan awan kerdê. Cinîyan hertim yewîye pawite.''

Alpsoye îfade kerd ke her çî ra ver ganî tecrîdê Îmraliyî yê vera Rayberê Şarê Kurdî Abdullah Ocalanî hol bêro famkerdene û têkoşînê vera tecrîdî bêro geşkerdene. Alpsoye vat: ''Seba ke komel nefes bigêro ganî tecrîdê Îmraliyî bêro şiknayene. Ma sey têgêrayîşê cinîyan ê kurdan qetî nêvinderê û têkoşîn bikerê. Komel hewceyê roşnî yo. Êyê ke do zincîran bişiknê cinî yê. Ma eşkenê destê bidê destî û zincîran bişiknê.''