Eşkerayîya Kongreya Starî wina ya:

"9ê çeleyê 2013î de 3 cinîyê şorişgêrî yê kurdî Sakîne Cansiz (Sara), Fîdane Dogan (Rojbîne) û Ronahî (Leyla Şaylemez) hetê îstîxbaratê tirkî ra Paris de ameyî qetilkerdene. Seba ke Sakîne Cansiz sey şorişgêrêka cinîye zaf cinîyan ser o tesîr kerd ameye qetilkerdene. Bi nê qirkerdişî ame waştêne ke destkewteyê cinîyan ê şorişgêran bêrê çinkerdene.  Heman hîşmendîye 4ê çeleyê 2016î de Silopî de 3 sîyasetmedarê cinî yê kurdî Sêvê Demîr, Fatma Uyar û Pakîze Nayîr qetil kerde.

Xoverdayîşê YPJyî vera nê qirkerdişan cewabêko tewr xurt bi.  Xoverdayoxanê Rojawanî xeta Sara teqîb kerde û tewirê aye sey bingeyê xo girewt. Sara têna cinîyanê kurdan ser o ney cinîyanê dinya ser o xelêk tesîr kerd. 

Vera destkewteyanê cinîyan û têkoşînê cinîyan tim hêrişî yenê kerdene. Înanê ke Sakîne Cansiz (Sara) qetil kerde bi heman armancî Hevrîne Xelef, Dayîka Eqîde û Amara Rênas zî qetil kerdî. Nê qirkerdişî hetê hîşmendîya bandurîya camêrdan ra ameyî kerdene ke îradeyê cinîyan qebul nêkena. Na hîşmendîye tersena ke cinîyî xo rêxistin kenê û têkoşînêk danê. Coka ganî ma hîna zêde kede bida ci û rayîranê nê cinîyan ê şorişgêran ra şorê.

Ma sey Kongeray Starî Sakîne Cansiz, Fîdane Dogan, Leyla Şaylemez, Sêvê Demîr, Fatma Uyar, Pakîze Nayir, Hevrîne Xelef, Rênas Amara û Dayîka Eqîde bi rêzdarî yad kenê û komloyê 9ê çeleyî şermezar kenê. Ma soz danê ke ma do têkoşînê azadîye yê Kurdîstanî aver bêrê. Ma bi awankerdişê cuya demokratîke û azade cewabê tewr xurtî bidê  kiştoxan."