Têgêrayîşê Cinîyan ê Kurdan ê Ewropa (TJK-E)  mabênê 30ê hezîrane û 3ê temuze de kogreya xo ya hewtine kerde. Hewt welatan ra rêxitinê serbanî, rêxistinê ke heme parçeyanê Kurdîstanî temsîl kenê, temsîlkarê grûbanê bawerîyan, komîsyonê ke waranê cîyayan de xebate rayra  benê û dezgehanê cîyayan ra seyî ra zafêr telegeyî  tewrê kongre bîyî.

Kongreya serkewtîye bi şîarê “Ma bi Jin, Jiyan Azadî Ver Bi Şorişê Cinîyan Şine” ameye kerdene. Kongre Evîne Goyî ya ke 23ê kanûna 2022yî de Paris de ameye qetilkerdene, aye rê ameye dîyarîkerdene

TJK-E peynînameyê xo de ard ziwan ke înan demê tarîxî de kongreya xo kerda û vat: "Kongre de muneqeşeyê xorî ameyî kerdene û  qerar muhîmî ameyî girewtene. Semedê demê verê ma planî ameyî kerdene. Prosesê rarîvîyartî reyna mojna ma ke têkoşîno ke bi eşq, heskerdiş, bawerî û qerardarî beno miheqeq dano qezençkerdene. Îmkan û hêzê ma est o ke ma demê verê xo de serkewtişanê dahîna girdan bîfînê dest.

Na çarçewe de, ma bingeyê îdeolojîya azadîye ya cinîyan de bi ruh û aqilê hemparî têkoşînî xurtêr bikerê. Ma bi Jin, Jiyan Azadî ver bi şorişê cinîyan rayra şirê."