Kovara Jineolojî derheqê serrgêra qetilkerdişê Endama Merkezê Cigêrayîşê Jineolojî, akademîsyene, nuştoxe û rojnamegere Nagîhane Akarsel de eşkerayîyêke daye ke Akarsele 4ê teşrîna verêne ya 2022yî de amebî qetilkerdene.

Eşkerayîye de ame parekerdene ke Nagîhane Akarsel Silêmanî de amebî qetilkerdene ke Silêmanî de şexsê Akarsele de xebatê cinîyan ameyî hedefkerdene.

Eşkerayîye de wina ame vatene: ''Serrêke qetilkerdişê Nagîhane xo pey de verdaye. La na yew serre de vengê 'Jin Jiyan Azadî' yo ke Nagîhane seba ci têkoşîn kerdbî, pêro kuçeyanê dinya de veng vejeno. Ame dîyene ke armancê qetilkerdişê Nagîhane nêameyo ca. Têkoşînê raştîye yê Nagîhane sey têkoşînê pêro cinîyanê ke ameybî qetilkerdene ma rê mîras o û sebebê têkoşînê ma yo. Pîlkerdişê têkoşînê azadîya cinîyan, awankerdişê cuya azade-têdûşte û caardişê utopyayanê Nagîhane do armancê ma yê tewr pîlî bibê. Ma embaze Nagîhane bi heskerdiş û bêrîkerdişî yad kenê. Ma soz danê ke têkoşînê aye bi serkewtişî tacîdar bikerê.''