Kuçeyê Almanya bi slogananê xoverdayîşê cinîyan zimayî

Şaristananê  Koln, Stutgart, Munchen, Hamburg û Kasselî yê Almanya de duştê şîdetê vera cinîyan rayraşîyayîş ame kerdene.

Xeylî şaristananê Almanya de bi wesîleya 25ê Teşrîna Peyêne Roja Têkoşînê Vera Şîdetê Serê Cinîyan çalakîyî ameyî viraştene.

Koln

Şaristanê Kolnî  bi hezaran cinîyî rayraşîyayîşî vera şîdetî de ameyî pêser. Çalakîye de Şorişê Rojawanî yê Cinîyan ame silamkerdene û mesajê xurtkerdişê têkoşînî ameyî dayene.

Stuttgart

Bi vengdayîşê Fraûenbundnîsî ke gelek partî û organîzasyonê komelkî mîyan de estê Rotebuhlplatzî de bi wesîleya 25ê teşrîna peyêne bi seyan cinî amey pêser. Çalakî de sloganê “cinî, cuye, azadî” amey vatene. Temsîlkarê Zusammen Kampfen Stuttgart, ADKH, Courage û YJK-E qisey kerd. Cinî qiseykerdişan ra dima rayîr şî. Rayîrşîyayîş Martstallstrasse bi govende girewtişî rest peynîye.

Munchen

Şaristanê Munchenî de bi beşdarbîyayîşê gelek sazîyanê cinîyan çalakîya 25ê teşrîna peyêne ame warye. Rayraşîyayîşî de pankarta ke resmê sîyasetmedara cinîya kurda ke Rojawanî de ameye kîştene Hevrîne Xelefe ame berzkerdene. Rayna posterê şorişgeranê cinîyan zî amey berzkerdene Çalakîyan de sloganê “Cinî, cuye, azadî” “biciwîyo YPJ” amey vatene. Bi nameyê meclîsê Cinîyan a Sara qiseykerdiş ame kerdene. Qiseykerdişan ra dima çalakî reste peynîye.

Hamburg

Şaristanê Hamburgî de rayraşîyayîşê 25ê teşrîna peyêne ame were. Seba rayraşîyayîşê cinî di peran ra Altona de amey pêser. Rayraşîyayîşî de pankartê “cinî, cuye azadî”, “Kîştişê cinîyan rê êdî bes o”, “Vera cinîyan şîdet polîtîk o.” Amey berzkerdene. Çalakîye de resmê şorişgera kurde Sakîna Cansize, Fîdan Dogane û Leyla şaylemez, reyna ê Roza Luksemburg û û wayanê Mîrabelan û alayê YPGyî amey berzkerdene. Cinî dima kolananê tewr qelebalix ê Hamburgî de rayra şîy.

Kassel

Şaristanê Kasselî de rayraşîyayîşê 25ê teşrîna peyêne ame serûberkerdene. Organîzasyonê Cinî Rojawanî pawenê, Frauên Haûs, Îmîgranten, Dîe Lînke, YJX û cinîyê ciwanî yê kurdan no rayîrşîyayîş organîze kerd. Dima verê awanîya Şaredarîya Şaristanê Pîlî yê Kasselî de mîtîngek ame serûberkerdene.