Fermandaranê Qerargehê YJA-Starî ra Xelate Şemsê derheqê kombîyayîşê Konseya Qerargehî ya YJA-Starî û şerê vera dewleta tirke de qisey kerd.

Qiseykerdişê Xelate Şemsê ra beşêk wina yo:

''Ma bi îdîayêka pîle kewtî 2021. Dewleta tirke ya îşxalkere seba ke şarê kurdî û têgêrayîşê azadîye bixeniqna metodê gemarinî şuxilnayî, çeka kîmyewîye şuxilnaye. Dişmenî bi nê hawayî asta hêrişanê xo zêdînaye. La gerîlayanê azadîye planê dişmenî pûç kerdî. Bi fedakarîya şehîdanê ma yê têkoşînî  AKP-MHP teng bi. Embazê ma bîyî serkêşê vurîyayîş û vurnayîşî. Çarçewa Hemleyanê Cengê Xabûrî de Zagros, Zap û Metîna de xeylêk waran de derbê giranî ameyî dayene dişmenî ro. Ney de tewirê embazan ê cinîyan zaf girîng bi. Bi hawayêkê bêteredutî embazanê ma şer kerd.

Gerîlayan bi xoverdayîşê xo têna vera faşîzmî nê vera pêro îqtîdar û îşxalkeran derbê giranî kerdî. Gerîlayê cinîyî bêteredutî tewrê prosesê şerî bîyî. Vera tank û topanê dişmenî ê wayîrê tewirê fedayî bîyî. Xora na rewşe moral û çêrîye daye her kesî û xeylêk serkewtişî qewimîyayî. kesê ke zerrîya înan seba azadîye gulp danê înan xoverdayîşê cinîyan ê kurdan ra moral girewt. Înan xoverdayîşê embazan ê cinîyan xo rê sey hêvîye dî.

Ez pê bawer a ke nê rojanê verê ma de ma do têkoşînî geşêr bikerê. Vera dişmenî ma Kurdîstanî bipawê, her ca de şer bikerê. Kombîyayîşê ma de netîceyê şer û xoverdayîşê 2021î ameyî ercnayene. Ma zanenê ke 2022 de şer do giran bibo. La moralê ma geş û coş beno. Ma her wextî ra zafêr nêzdîyê azadîye yê. Ma hêzê pawitişê şar û cinîyan, seba ameyoxêkê azadî çi bikewo destê ma, do bikerê. Sloganê kombîyayîşê ma cuya azade û Rayberîya azade ya. Hînî hanî ma sîstemê Îmraliyî qebul nêkerê. Seba ke ma azadîya Rayberîya xo bîyarê ca, ma do hêzê xo seferber bikerê.'