Gerîlaya YJA-Starî Bêrîvane Maku bi wesîleya serrgêra Hemleya 15ê Tebaxe ANFyî rê qisey kerd.

Gerîla Bêrîvane hêverî Roşanê Gandarbîyayîşî yê 15ê Tebaxe fîraz kerd û vat: ''Hemleya 15ê Tebaxe seba kurdan yena manaya newe ra bîyayîşî. Têkoşîno ke guleyê verênî ra dima 1984 de dîyabi destpêkerdene, ewro koyanê Kurdistanî de dewam keno. Ma zî mîrasê embaz Egîdî xo rê esas genê.  Embaz Egîdî îsbat kerd ke têkoşînê azadîye mumkîn o. Embaz Egîd bi kesayet û çêrîya xo no mojna. Xoverdayîşê Zap, Avaşîn, Metîna û Xakurkê ruh û tewirê embaz Egîd, Mazlûm, Kemal û Sarayan o. No xoverdayîş do tim est bo. Ma do bibê layîqê keda Rayber Apoyî û tim felsefeya ey xo rê esas bigêrê.''