29ê hezîrane de Serdozgerîya Komare ya Amedî çarçewa operasyonanê vera KCDyî de bi îdîaya endamîya rêxistine Maya Haştîye ya 72 serre Makbule Ozbek tepişte. Makbule Ozbek Zîndanê Amedî de krîzê qelbî derbaz kerd. Makbule Ozbeka ke bi bihaneya 'îhtîmal esto ke birema' nêamebî veradayene.

Makbule Ozbeka ke xeylêk nêweşîyê ci yê kronîkî estê,  wedarîyaye servîsê ciewnîyayîşê giranî yê nêweşxaneyî. Lajê Makbule Ozgur Ozbekî pare kerd ke ganî dadîya ci 24-48 saetan binê çimdarîye de bimana. Ozgur Ozbekî vat: ''Ganî dadîya mi cade bêra veradayene. Hewteyêkî ra verî zî tansîyonê ci bibi berz.''