Endamanê Meclîsê Mayanê Haştîye yê Mêrdînî bi armancê şermezarkerdişê hêriş û kerdişanê PDKyî vizêr eşkerayîye daye.

Endamanê Meclîsî verê bînaya HDPyî de eşkerayîya xo daye. Wekîla HDPyî ya Mêrdînî Pero Dundar û aktîvîstê TJA zî tewrê eşkerayîye bîyî. Nameyê MEclîsê Mayanê Haştîye ser o Helîma Kaya eşkerayîye daye. Helîme Kaya bale ante kerdişanê PDKyî ser û vat: ''PDK bi kayanê dişmenî hêrişê gonîya xo keno. Dişmenê PKKyî nêbeno dostê PDKyî. Maşer nêwazenê. Ma pê hêvîdar ê ke PDK do şîyar bibo û şerê zereyî vindarno. Seba holîya wird terefan, seba holîya kurdan yewîye şert a.''

Mayanê Haştîye eşkerayîye ra dima laçikê xo yê sipîyî eştî war û slogana 'Dadîyî şer nêwazenê' berz kerd.