Meclîsê Cinîyan ê HDP’yî serê nêzdîbîyayîşê cinsîyetperestî û nîjadperestîya Wezîrê Karanê Zereyî  Suleyman Soyluyî eşkerayîyêka nuştekîye weşanaye û nê pare kerdî:

 “Wezîrê Karanê Zereyî yo ke bi fekê mafya qisey keno,  wareyanê weçinitişî de hêrişê partîya ma keno û bi nê rengî cehd keno ke krîzê ekonomî, feqîrîye, bêrayîrîye, dizdîye û xoverdayîşê grevê vêşanîye wedaro. Kesêko tu kapasîteyê ci çin a, bi mîsyonêkê fekkî seba Wezîrê Karanê Zereyî  ameyo wezîfedarkerdene û  tu erk û wesfê xo çin o ke sîyaset bikero, ne zî wezîrîye. Yewo sey  vervatoxanê polîtîkaya koalîsyonê AKP-MHP'yî ya dişmenîya Kurdan de û her roje heqaretê Kurdan û cinîyan keno. Propagandaya weçînitişî nêkeno, o sucê cinsîyetperestîye û nîjadperestîye keno.”

Cinîyan ard vîrî ke Soylu seba hemsereka Pêroyî ya HDP'yî Pervîn Buldane vatibi, ‘a cinîyeke’   û vat ke o keso ke dişmenê cinîyan  o bi nê xîtabî guneno sewîya zaf nizme ra, rast vatişê ma ra ‘ ziwanê înan jehrin o” vano û rastîye ra terseno. Ma nê tersî her weçînitişî de rî, vatiş û têgêrayîşanê înan ra nas kenê. Qerardarîya ma ya seba têkoşînî û îradeyê ma yê sîyasî, jehrkiştişê tifaqa AKP-MHP'yî ya dişmenîya Kurdan û cinîyan o.