Meclîsê Leşkerî yê Dêrazorî bale ante ser ke çeteyê ke pabesteyê dewleta tirke yê û çeteyê DAÎŞî Dêrazor de reyna aktîf bîyî.

Eşkerayîye de nê ameyî parekerdene:

"Averşîyayîşê Sûrîye serê ma û herêma Dêrazorî tehdîtêko gird o. Bitaybetî grûbê çeteyan ê ke pabesteyê dewleta tirke yê û  çeteyê DAÎŞî herêma Dêrazorî de newera bîyî aktîf. Ma sey Meclîsê Leşkerî yê Dêrazorî seba ke şervanê ma şarê ma bipawê ravêrtî merkezê Dêrazorî û rojawanê Firatî. Ma tîya ra beyan kenê ke averşîyayîşê ma semedê pawitişê şarê ma yo.

Wa şarê ma yê Dêrazorî rehet bo. Seba ke ma şarê xo û asayîşê herême bipawê çiyo ke destê ma ra yeno ma do bikerê. Şarê Dêrazorî ke ma bicoşî pêşwazî kerd ma ci rê spas kenê. Ganî heme şarê ma pîya bi şervananê xo herra xo bipawo."