Taxa TOKÎ ya qezaya Qoserî ya Mêrdînî de cinîya bi nameyê Hîndîrîne Aydogan (45) hetê mêrdeyê xo Zekî Aydoganî ra ameye qetilkerdene.

Dîya zanayene ke camêrd Zekî Aydoganî hêverî Hîndîrîne rê îşkence kerdo, dima zî guleyî verdayê aye ser. Hîndîrîne bi ambulansî wedarîyaye Nêweşxaneyê Cigêrayîş û Perwerdeyî yê Mêrdînî la rixmê pêro xîretan zî nêxelisîyaye.

Cenazaya Hîndîrîne Goristanê Kamorî yê Artukluyî de ameye definkerdene.

Ame parekerdene ke kiştox Zekî Aydogan hema zî nêtepişîyayo.