Bi wesîleya 25ê Teşrîna Peyêne Roja Têkoşînê Vera Şîdetê Serê Cinîyan şaristanê Montpellierî yê Fransa de rayberîya Komunê Cinîyan ê Delale Amed de rayraşîyayîşêk ame kerdene.

Rayraşîyayîş de sloganê 'Cinîye, Cuye, Azadîye' bêmabên ame vatene û vilawekî ameyî vilakerdene. Çalakîye de veng ame dayene ke vera polîtîkayanê şerê taybetî yê dewlete-camêrdî cinîyî hişyar bibê, xo rêxistin bikerê û pê ruhê yewîye hêrişan pûç bikerê. Çalakîye pê govendan qedîyaye.