Endama Merkezê Cigêrayîşanê Jineolojî, akademîsyen, nuştox û rojnamegere Nagîhane Akarsela ke 4ê teşrîna verêne ya 2022yî de Silêmanî de amebî qetilkerdene, Kobanê de ameye yadkerdene. Merasîmê yadkerdişî de war bi fotografanê Akarsele xemilîya.

Merasîm de nameyê Merkezê Jineolojî yê Kobanê ser o Sadiqa Xilo qisey kerd û ard ziwan ke têkoşînê cinîyan bi vîrameyîşê Akarsele dewam kenê. Sadiqa vat: ''Ma do xeyalanê embazanê xo yê şehîdan qetî bîyarê ca.''

Merasîm de derheqê cuya Akarsele de sînevîzyonêk ame mojnayene. Merasîm bi sloganê 'Şehid namirin' qedîya.