Qezaya Ceyhanî ya Edeneyî de cinîyan ê kurdan ke serranê 90an de bar kerdo şîyê uca, bi pewtişê nanê tenûre kulturê xo danê cuyayene.

Nanê tenûre ke bi tehmê xo yê weşî yeno zanayene, Ceyhan de sifreyê kurdan ra kêm nêbeno.

Nanê tenûre heta ke reseno sifreyê zaf merheleyan ra ravêreno. Mîro mîrazkerde demêk yeno pawitene. Badê îştişê mîrî tenûre ser o yeno gudkerdene û zereyê destî de yeno pehûnkerdene. Goreyê tehmê cayîyî ard, fincik û hakî ser a yenî sawitene û tenûre de yeno cakerdene.

25 SERRÎ YO NAN PEWJENA

Maşallah Altune ke 25 serrî yo nanê tenûre pewjena wazena ke orf edetê înan tim bêrî dewamkerdene.

Altune nanê tenûre sey kulturê xo hesibnena û vana ke  no nan pîrik û pîrkalanê ma ra mendo û ma zî ganî ney bidî dewamkerdene.