Kongreya Tecrubeyanê Têgêrayîşanê Cinîyan a Beyrutî pê netîcenameyêkî qedîya. 

Netîcename de bire dîyaye de ke seba azadîya Rayberê Şarê Kurdî Abdullah Ocalanî hemleyê stratejîkî wa bêrê kerdene.

Kongre mabênê 18-19ê tebaxe de pê beşdarîya 100 delegeyan paytextê Lubnanî Beyrut de û bi şîarê 'Jin, Jiyan, Azadî' ameye kerdene.

Netîcename de xoverdayîş û têkoşînê cinîyan ê Şingal, Afganîstan û pêro dinya ame selamkerdene û tay birî ameyî girewtene.

Netîcenameyê kongre de nê biran cagirewt:

''-Ganî paştî bêra dayene têkoşîn û xoverdayîşê cinîyan ê êzidî, afgan, kurd û filîstînijan.

-Ganî modelê cinîyan ê kurdan sîstemê hemserekîye pêro waran de bêro caardene.

-Seba ke cinîyî têkoşînê xo zixmêr bikerê, yew bibê, xopawitişî bikerê metodê esasî û polîtîkayanê xo qetî bikerê ganî kongreya cinîyan a mîyanneteweyîye bêra kerdene.

-Seba Jineolojî ganî masaya cinîyan a hempare bêra ronayene û mefhûmê Jineolojî bêrê ercnayene.

-Seba ke fîlozofo kurd û dostê cinîyan Birêz Abdullah Ocalan bêro veradayene ganî komîteyê huqûqî bêrê ronayene û kampanyayê stratejîkî bêrê kerdene.

-Sere de Birêz Abdullah Ocalan ganî pêro tepişteyanê sîyasîyan de têkilîye bêra ronayene.

-Ganî cinîyî vera dîndarîya radîkale, polîtîkaya çinkerdişê cinîyan û polîtîkayanê dişmenîya vera cinîyan têkoşîn bikerê.''