Koordînasyonê PAJKî bi wesîleya serrgêra şehadetê Fermandare Bêrîtane (Gulnaze Karataş) eşkerayîyêke daye. Eşkerayîye wina ya:

''Ma şexsê embazanê xo êrîtan (Gulnaz Karataş), Zeynep (Gûrbetellî Ersoz), Meryem (Meryem Hazar Çolak), Zinarîn (Selma Dogan), Canda (Sanem Sertap Golge), Hêlîn Çerkez (Nermîn Akkûş), Ronahî (Andrea Wolf), Bermal (Guler Otaç), Rewşen (Leyla Kaplan), Rojbîn Ereb, Selamet Menteş, Aynûr Artan, Rojîn Gewda, Arîn Mîrkan de pêro şehîdanê şorişî bi rêz û minetî yad kenê. Ma soz danê ke ma xeyalanê înan ê azadîye bi şorişê cinîyan tacîdar bikerê. Ma pêro şehîdanê şîarê 'Şima nêeşkenê tîja ma tarî bikerê' bi rêzî yad kenê. Têkoşîn û xoverdayîşê ma do sîstemê îşkence û tecrîdî yê Îmraliyî parçe bikerê.

Teşrîna verêne heman wextî de a meng a ke ma tede serrgêra ronîyayîşê artêşbîyayîşê cinîyan fîraz kenê. Embaza ma Bêrîtane 25ê teşrîna verêne ya 1992yî de vera xeta îxanetî serê xeta xoverdayîşê cinîyan de teslîm nêbîye û bîye sembole. Vîrameyîşê aye ser o zî 1993 de artêşa cinîyan ronîyaye. Ma serrgêra 31. ya artêşbîyayîşê cinîyan fîraz kenê.

Hişmendîya cinîya azade ya ke hetê Rayber Apoyî ra ameya averberdene bi raştîya xoverdayîş û cuya Bêrîtanan vejîyaye werte. Cinîyê ke bîyê Bêrîtane artêş bîyî. Artêşa cinîyan kerd ke cinîyê kurdî binê serkêşê komelî û şorişî. Coka raştîya Bêrîtane xoverdayîşêko normal nîyo, krîterêkê cuye û felsefe yo. A nîsbeta cuya azade û xeta xoverdayîşê cinîyan a. Ewro teqîbkerdoxê Bêrîtane vera îşxal, îxanet û sîstemê serdestîya camêrdan têkoşînêkê bêamanî kenê.

Îtîfaqê dewleta tirke-PDKyî yo ke 92 de vera têgêrayîşê ma ronîyabi ewro zî dewam keno. No îtîfaq armanc keno ke têgêrayîşê ma tasfîye bikero, komployê vera Rayberîye rê dewam bikero û hêrişê Kurdîstanî bikero. Coka ewro xeta Bêrîtane her wextî ra zêdeyêr girîng a. Ma do xeta Bêrîtane de îxanetê PDKyî û qirkerdişê dewleta tirke bin bivisnê. 

Yeno waştene ke têkoşînê şaran o ke serkêşîya cinîyan de yeno kerdene bêro xeniqnayene. Herinda xeta azade û xoverdayîşî de yeno waştene ke xeta netewe-dewlete, nîjadperest, dînpereste serdest biba û warê cinîyan bêrê çinkerdene. Ganî ma sey cinîyan vera nê kerdişan xo hîna zaf rêxistin bikerê. Ma hêrişanê Erdogan, DAÎŞ, Huda-PAr, Netanyahu û Hamasî mehkum kenê. Ma venga pêro cinîyan danê ke vera nê şerê gemarinî tewir bigêrê. Ma do bi hêz û eqlê cinîyan têbigêrê û komployê vera komelî bin bivisnê.''