Koordînasyonê PAJKî derheqê  şehadetê  Nûjiyane Amed (Saliha Akbiyik) de eşkereyaîye daye û  nê vatî:

''Mîlîtananê serkêşan a  têkoşînê azadîye ra hemraya ma Nûjiyane Amed (Saliha Akbiyik) netîceya têkoşînê xo yê 30 serran de tewrê kerwanê şehîdan bîye. Hemra Nûjiyane sey fermandara cinîye ya şerê şarê şorişgêrî nameyê xo têgêrayîşê ma yê azadîye de da nuştene. Pîya bi falîyetanê leşkerî falîyetê sîyasî û komelkî zî reyra berdî. Bi paradîgmaya Apoyî bîye ronayoxê cuye azade. Aye zerrîya komelî de cayê xo girewt sey hemraya hemrayanê xo heqîqetî ra barê xo girewt.

Hemra Nûjiyane  hetê îdeolojî, sîyasî û leşkerî ra aver berd û vindertişê xo yê cinîya azade her roje xurtêr kerd. Pîya bi nê pêrune xebatê ziwan û kultur û perwerdeyî muhîm dîyî û xebatê xo wina rayra berdî. Seba ke ciwanê kurdan bi ziwan û kulturê xo bêrê perwerdekerdene zaf kede daye. Hemra Nûjiyane tim kurdkî qisey kerdene û her leteyê Kurdîstanî de xebityaye. Semedê aye nêben çîn bo, senî beno bibi. Serkêşîya cinîyan de tim xo aver berd, bîye fermendara mîlîtane ya serkêşe ya têkoşînê azadîye yê cinîyan. Hemraya ma Nûjiyane ya ke hêrişê rejîmê faşîstî yê AKP-MHPyî de şehîde bîye,  bi têkoşînê xo ma rê zî mîrasêkê têkoşînê xurtî verda.  

Ganî ciwan û cinîyî vera hêrişan sey hemra Nûjiyane verê xo bidê waranê cuyeya azade û têkoşînî xurt bikerê. Ma soz danê ke ma do têkoşînê hemra Nûjiyane bidê domnayene û ronayîşê cuyeya azade bi şorişê cinîyan tacîdar bikerê. Ma sere de keyeyê hemra Nûjiyane rê heme şarê welatpererî yê Kurdîstanî rê serweşîye wazenê.''