Koordînasyonê PAJKî bi eşkerayîyêke Zeynepe Kinaci (Zîlane) bi rêzî yad kerde.

Eşkerayîye wina ya:

''Ma serrgêra 27. ya şehadetê ci de serkêşa xo embaze Zîlane (Zeynepe Kinaci) bi rêzî yad kenê. Reyna ma şexsê Zîlan, Sema Yuce, Gulan-Fîlîz Yerlîkaya û fermandaranê ma yê pîlan de û şexsê Gulçiya Gabar, Leyla Sorxwîn, Bêrîvan Zîlan, Raperîn Amed, Leyla Van, Hejar Zozanan de pêro şehîdanê xo yê cinîyan yad kenê.

Serkêşanê Têgêrayîşê Cinîyan ê Kurdîstanî û Şorişê Rojawanî ra embaze Leymane Siwêş û embaze Yûsra Derwêş Qamişlo de hêrişê namerdeyî yê dewleta tirke de şehîd bîyî. Ma nê embazanê xo yê ke sembolê azadîya cinîyan ê, zî bi rêzî yad kenê. Şorişê Rojawanî sey şorişê cinîyan awan bi, erjêko global aferna. Dewleta tirke ya kolonyalîste xîret kena ke oyo ke DAÎŞ nêeşkayo bikero, bi hêrişan, tedayan bikera û Şorişê Rojawanî tasfîye bikera. Coka dewleta tirke hêrişê cinîyan ê serkêşan kena. Ma ê hezanê ke Kombîyayîşê Astana de rayîr dayo dewleta tirke û verê hêrişanê dewleta tirke de bêveng mendê şermezar kenê. Cinîyî do her ca de cepheyê xoverdayîşî yê vera faşîzmî, paştdayîşî pîl bikerê, ciwanî zî bi beşdarîyêka aktîfe dewleta tirke ya faşîste paştdayîşî pîl bikerê; ciwanî zî bi beşdarîyêka aktîfe dewleta tirke ra hesab bipersê.

Azadîye felsefeyêka cu ya, ferasetê têkoşînî yo, tewirêk, metodêk, çalakîyêk a. Embaze Zîlane felsefeya Rayberîye vurnaye ferasetê têkoşînî û cuye, xeta çalakîye, metod û taktîkî. Aye mojna ke kesêke bi xo eşkena şîyayîşê tarîxî bivurna. Embaze Zîlane 6ê gulana 1996î de gamanê verênan ê Komployê Mîyanneteweyî de vera hêrişê suîkastî yê serê Rayberîye têgêraye û 30ê hezîrana 1996î de bi çalakîyêka fedayîye cewab da hêrişê dişmenî. Embaze Zîlane tewirê çalakîye û cuya fedayî ya Rayber Apoyî bîye. Seke Rayber Apoyî vatbi çalakîya aye teyna çalakîyêka leşkerîye nêbîye mesajêk bîye ke seba artêşbîyayîşê cinîyan amebi kerdene. Rayber Apoyî embaze Zîlane sey fermandara xo pênase kerde. Rayber Apoyî na hemleya tarîxî seba têkoşînê azadîye yê cinîyan sey xete û raştîya Zîlanbîyayîşî pênase kerde û 8ê adara 1998î de Partîya Azadîya Cinîyan awan kerde. PAJK bi nê hawayî ver bi şorişê cinîyan şi. Zîlane vera sîstemê serdestîya camêrdan, rejîmanê dişmenan, kolonyalîstan û qirkeran bîye manîfestoya şorişê cinîyan. Xeta 'Jin, Jiyan, Azadî' ewro erjo global o û na xete bi rengê Zîlane xo mojnena ra. Vera dîktatoran û rêxistinîyanê faşîstan pêşwazîkerdişê prosesî yê bi rengê Zîlane, bi caardiş û servistişê hemleya ma ya 'JIN JIYAN AZADÎ, BER BI ŞOREŞA JINÊ VE' beno.

Serkêşîya prosesî ya bi rengê Zîlane çinkerdişê tecrîdî û caardişê azadîya Rayber Apoyî yo. Dewleta AKP-MHPyî ya faşîste şexsê Rayber Apoyî de qanûnê taybetî vera kurdan kena ferz. Dewleta tirke bi sîstematîkkerdişê tevrîdî huqûqî binpay kena la bi radîkalkerdişê têkoşînî ma eşkenê edaletê raştikênî bîyarê ca. Vera welatanê Yewîya Ewropa û dezgehanê mîyanneteweyîyan şert o ke bi ruhê Zîlane ma tewrê Hemleya 'Wextê Azadîya Rayber Apoyî' bibê û na hemle ser bivisnê. Bingeyê serkewtişî ser o ma reyna soz danê ke wayîrê şehîdanê xo vejîyê.''