Koordînasyonê PAJKî bi wesîleya serrgêra Komployê Mîyanneteweyîyî yê 15ê Sibate yê vera Rayberê Şarê Kurdî Abdullah Ocalanî eşkerayîyêke daye û nê pare kerdî:

''Cinîyî û şarî tim vera Komployê 15ê Sibate têkoşîn kenê û azadîya Rayber Apoyî wazenê. Paradîgmaya Raybe Apoyî û felsefeya Jin Jiyan Azadî yo ke pabesteyê ci vila benê.  Azadîya şarê kurdî bi qederê şaranê Rojhelatê Mîyanênî beno yew. Ameyoxo demokratîk ê şaranê Rojhelatê Mîyanênî bi Kurdîstanê xoser-demokratîkî mumkun o. Waştişê cinîyan û şaran ê sîstemêkê komelkî yê newî têkoşînê komelkî vejeno werte. Hêzê hegemonîkî yê ke nê vînenî stratejîya xo ya komplgere rê israr kenê. Komployê 15ê Sibate bi plananê neweyan dewam keno.

 Plano tewr tehlukeyin serê Rayber Apoyî de yo. 35 aşmî yo Rayber Apoyî ra qet xeberêke nîna girewtene. Sîstemê tecrîdê qetî hetê rejîê faşîstî yê AKPyî û dezgehanê eleqedaran ê mîyanneteweyîyî ra yeno normalkerdene. Rejîmo faşîst keno ke bi sîyasetê tecrîdî şerê xo herême de vila bikero. Îqtîdarê Erdoganê faşîstî û şirikê ci PDK kenê ke serrgêra 25. ya komployî de plananê neweyan ê îmhakerdişî bifînê dewre. Wazenê ke têgêrayîşê PKKyî tesfîye bikerê û kurdanê azadan bieciqnê ke kurdan qir bikerê. Erdogan bi paştdayîşê NATO û hêzanê Ewropa polîtîkayanê tecrîd û şerî rayra beno.

Bi azadîya fîzîkîye ya Rayber Apoyî nê pêro planê leyminî do bêrê betalkerdene. Coka ganî komplo bi temamî bêro betalkerdene. No semedê ameyoxê kurdan û  şaranê Rojhelatê Mîyanênî zaf muhîm o. Heta ke sîstemê Îmraliyî werte ra mero wedaritene Tirkîya zî nêeşkena aver şiro. Xora eşkera yeno vînayene ke sîstemê tecrîdî yê Îmraliyî 25 serrî yo Tirkîya fîna çi hale.

Vera planê qikerdişî ganî semedê azadîya Rayber Apoyî her hetî ra têkoşîn bêro xurtkerdene. Ganî hemleya azadîye bêro xurtkerdene. Ma veng danê ke sere de cinîyî wa ciwanê Kurdîstanî û her kes wezîfeyê xo yê şorişî bîyaro ca û 17ê sibate de tewrê rayraşîyayîşê Kolnî bibo. Ganî fîkrê Rayber Apoyî biresî her kesî ke wa her ca de vilîkê azadîye abikerê.''