Konseya Serekîya Pêroyî ya KCKyî bi eşkerayîyêke Komployê 15ê Sibate şermezar kerd û venga pêro kesan da ke beşdarê Kampanyaya Azadîye bibê û têkoşîn û xoverdayîşî pîlêr bikerê.

Eşkerayîya KCKyî wina ya:
''Ma serrgêra 26ine ya Komployê Mîyanneteweyîyî şermezar kenê. Ma xoverdayîşê Îmraliyî ye Rayber Apoyî selam kenê û pêro şehidanê çalakîyanê 'Şima nêeşkenê roja ma tarî bikerê' bi rêz û minetî yad kenê.

Şarê ma zî sey Rayber Apoyî û têgêrayîşê azadîye vera Komployê 15ê Sibate xoverdayîşêko pîl mojna. Rayber Apoyî şert û mercê zîndanê Îmraliyî bi paradîgmaya xo ya neteweya demokratîke, ekolojîke û azadîgîrîya cinîyan pûç kerdî. Ewro fikrê ey sere de şarê kurdî pêro şaran rê benê îlham.

Îşkence û tecrîdê Îmraliyî şexsê Rayber Apoyî de vera pêro kurdan sey sîstemê qirkerdişî yeno caardene. La Îmrali merkezê xoverdayîşî yê Rayber Apoyî û ê ma yo. Ewro gerîlayê azadîye koyan de bi fikr û felsefeya Rayber Apoyî têkoşîn kenê û nêverdenê ke Komployo Mîyanneteweyî ser bikewo. Gerîlayê azadîye bi moral û hêzo ke  felsefeya Rayber Apoyî ra gênê koyan de  tarîxî nusenê. 

Ma Hemleya 'Azadîya Rayber Apoyî' bi rêzî selam kenê ke hetê kurdan û dostanê înan ra dîyaya destpêkerdene. Serrgêra 26ine ya Komployê Mîyanneteweyîyî seba şarê kurdî û têgêrayîşê azadîye yê kurdan, seba hêzanê demokrasî û haştîye serrêka girîng a. 

Sey şarî, têgêrayîş û dostanê kurdan ma qerardar ê ke her wextî ra zêdeyêr têkoşînê xo hîra bikerê, seba têkoşînê azadîya kurdan seba şaran û merdimarîye komployî çin bikerê û têkoşînê estbîyayîşê kurdan vejê werte. Nê esasî ser o sere de cinî û ciwanan maa venga pêro kurdîstanijan danê ke tewrê Hemleya Azadîye bibê û 15ê Sibate de derbazê safhaya diyîne ya Hemleya Azadîye bibê, têkoşînî hîra bikerê û xoverdayîşî pîlêr bikerê.''